06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Հարավային Կորեայում ռոբոտը որպես դիրիժոր հաջողությամբ նվագախումբ է ղեկավարել
Քաղաքականություն
04.07.2023 | 23:04
EveR 6 անդրոիդ ռոբոտը որպես դիրիժոր ղեկավարել է Հարավային Կորեայի ազգային նվագախումբը։ Սա առաջին նման փորձն էր երկրում, գրում է CNN-ը։
Ռոբոտի դեբյուտը, որը մշակվել է Կորեայի արդյունաբերական տեխնոլոգիաների ինստիտուտի կողմից, կայացել է Կորեայի ազգային թատրոնում, որտեղ ելույթ են ունեցել երկրի ազգային նվագախմբի առաջատար երաժիշտները:
Ռոբոտը նախ խոնարհվել է հանդիսատեսի առաջ, ապա սկսել է թափահարել ձեռքերը՝ կենդանի կատարման տեմպը վերահսկելու համար:
«Դիրիժորի կողմից շարժումները շատ մանրակրկիտ էին։ Ռոբոտը կարողացավ նման մանրամասն քայլեր ներկայացնել շատ ավելի լավ, քան ես պատկերացնում էի»,- ասել է Չոյ Սու-Յուլը, որը ռոբոտի կողքին ղեկավարել է ելույթը։
Սակայն, ըստ նրա, ռոբոտի թերությունն այն է, որ նա չի կարողանում լսել։
Ավանդական կորեական երաժշտության ուսումնասիրությամբ զբաղվող Լի Յանգ Ջուն էլ ասել է, որ ռոբոտի շարժումները, թեև ռիթմը պահպանելու մեջ անթերի էին, բայց չունեին «շունչ»։
Նշվում է, որ հումանոիդ ռոբոտը ղեկավարել է 5 կոմպոզիցիաներից երեքը, որոնցից մեկը՝ Չոյի հետ միասին։
Էմմա Չոբանյան
