18.03.2026 | 10:17
NYMEX․ Ոսկու գինն աճել է 0.14%-ով և կազմել 5001.00 դոլար
Էրդողանը մեկնում է ԱՄԷ՝ միլիոնավոր դոլարների ներդրումներ բերելու
Քաղաքականություն
04.07.2023 | 21:44
Թուրքիայի նախագահ Թայիփ Էրդողանը պատրաստվում է մեկնել Արաբական Միացյալ Էմիրություններ։ Այս մասին հայտարարել է Թուրքիայի ֆինանսների նախարար Մեհմեդ Շիմշեքը՝ նշելով, որ այցի նպատակն է ճանապարհ հարթել Թուրքիայում «զգալի ներդրումների» համար, գրում է Gercek news-ը։
Կուրբան Բայրամից առաջ փոխնախագահ Ջևդեթ Յըլմազի հետ ԱՄԷ կատարած աշխատանքային այցի վերաբերյալ Շիմշեքն ասել է, որ ԱՄԷ նախագահ Շեյխ Մոհամմեդ բին Զայեդ ալ-Նահյանի հետ քննարկումներն անցել են դրական մթնոլորտում։ Հանդիպումների ընթացքում քննարկվել են երկու երկրների միջև տնտեսական համագործակցության նոր հնարավորությունները։
Նախարարը հայտնել է, որ Էրդողանի այցը նախատեսվում է հուլիսի 11-12-ը Վիլնյուսում կայանալիք ՆԱՏՕ-ի գագաթնաժողովից հետո։
Թուրքական լրատվամիջոցներն ավելի վաղ հայտնել էին, որ կառավարությունը դիտարկում է այնպիսի հաստատությունների հնարավոր վաճառքը, ինչպիսիք են Turkish Airlines-ը, Turk Telekom-ը և BOTAŞ-ը, որոնք Sovereign Wealth Fundas-ի տնտեսական վերականգնման ծրագրի մաս են։ Հնարավոր գնորդ կարող են լինել Պարսից ծոցի երկրները։
Կառավարամետ լրագրող Հանդե Ֆիրաթն էլ Hurriyet-ի իր սյունակում գրել էր, որ ԱՄԷ-ն պատրաստվում է 30-40 միլիարդ դոլար բերել Թուրքիա՝ «մշտական և երկարաժամկետ ուղղակի ներդրումների տեսքով»։
Էմմա Չոբանյան
