02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Թուրքիան և Եգիպտոսը մեկ տասնամյակ անց վերականգնում են դիվանագիտական հարաբերությունները՝ դեսպանների նշանակելով
Քաղաքականություն
04.07.2023 | 22:37
Եգիպտոսն ու Թուրքիան մեկ տասնամյակ անց դեսպանների են նշանակել՝ դիվանագիտական հարաբերությունները վերականգնելու համար։ Այս մասին հայտարարել են երկու երկրների ԱԳՆ-ները, գրում է Reuters-ը, որին վկայակոչում է Al Arabiya-ն։
Երկրների ԱԳ նախարարությունների բարձրաստիճան պաշտոնյաների միջև խորհրդակցությունները սկսվել էին 2021 թվականին, երբ Թուրքիան ձգտում էր կարգավորել հարաբերությունները Եգիպտոսի, Արաբական Միացյալ Էմիրությունների, Իսրայելի և Սաուդյան Արաբիայի հետ:
Անկարայի և Կահիրեի միջև հարաբերությունների կարգավորումն արագացավ այն բանից հետո, երբ Եգիպտոսի նախագահ Աբդել Ֆաթահ ալ-Սիսին և Ռեջեփ Թայիփ Էրդողանը հանդիպեցին Դոհայում 2022 թվականի ֆուտբոլի աշխարհի առաջնության ժամանակ։
Երկու երկրների նախագահները մայիսին պայմանավորվել էին դեսպանների նշանակել։
Ամր Էլհամամին դառնալու է Անկարայում Եգիպտոսի դեսպանը, Թուրքիան էլ Սալիհ Մութլու Սենի թեկնածությունն է առաջադրել Կահիրեում դեսպանի պաշտոնի համար։
Երկու երկրները դեսպաններ չունեն 2013 թվականից, երբ Եգիպտոսը վտարել էր Թուրքիայի դեսպանին և մեղադրել Անկարային այն կազմակերպություններին աջակցելու մեջ, որոնք ձգտում են խարխլել երկիրը:
Էմմա Չոբանյան
