06.08.2026 | 14:51
Թրամփը հայտարարել է, որ ԱՄՆ-ը զինամթերքի «հսկայական պաշարներ» ունի՝ դրանց սպառվելու մասին հաղորդումների ֆոնին
Հայերի հյուրընկալության նման երևույթ աշխարհում չեմ տեսել. ապաքաղաքական զրույց Նիկոլաս Սխերմերսի հետ. ՏԵՍԱՆՅՈՒԹ
Հաղորդաշարեր
02.07.2023 | 21:02
Factor TV-ի A-politic հաղորդաշարի հյուրն է Հայաստանում Նիդերլանդների Թագավորության դեսպան Նիկոլաս Սխերմերսը: Նրա կարծիքով՝ այն, ինչ ընդունված է անվանել «եվրոպական արժեքներ», իրականում կարելի է համարել համամարդկային, ունիվերսալ արժեքներ: Մարդուն, որտեղ էլ նա ապրի, հատուկ է ազատության ձգտումը, իր ճակատագրի տերը լինելու ցանկությունը: Այդ առումով պատահական չէ, որ Մարդու իրավունքների ՄԱԿ-ի հռչակագիրը կոչվում է «համընդհանուր»:
Անդրադառնալով այդ արժեքային համակարգում կրոնի նշանակությանը՝ դեսպանը նշում է, որ ժամանակին կրոնի դերը շատ մեծ էր, և 16-17-րդ դարերում Նիդերլանդների՝ անկախության համար պայքարի մեջ մեծ էր կրոնական բաղադրիչը՝ բողոքականությունը հակադրվում էր կաթոլիցիզմին: Ըստ Սխերմերսի՝ այդ բաժանումն այս կամ այն չափով հատուկ էր նիդերլանդական հասարակությանը մինչև 1960-ական թվականների վերջը: Հետագա տասնամյակներում, սակայն, հասարակությունն աստիճանաբար դարձավ շատ ավելի աշխարհիկ:
Պե՞տք է, արդյոք, այլ երկրի մշակույթը հասկանալու համար որոշակի մշակութային շոկ ապրել: Ըստ հաղորդման հյուրի՝ դա գրեթե անխուսափելի է; Բայց դրանից հետո անհրաժեշտ է խորանալ քեզ համար անծանոթ բարքերի, ավանդույթների մեջ և հասկանալ, թե ինչու են մարդիկ այսպես մտածում, ինչն է նրանց համար թանկ, և հարգանքով վերաբերվել այն փաստին, որ մշակութային դրսևորումները կարող են տարբեր լինել:
Մանրամասները՝ տեսանյութում:
Արամ Աբրահամյան
