14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Մեքսիկայում անոմալ շոգն ավելի քան 100 մարդու կյանք է խլել
Քաղաքականություն
30.06.2023 | 22:35
Մեքսիկայում ավելի քան 100 մարդ աննախադեպ շոգ ալիքի զոհ է դարձել. հունիսի 12-ից հունիսի 25-ը ծայրահեղ բարձր ջերմաստիճանի պատճառով մահացել է 104 մարդ։ Այս մասին հաղորդում է DW-ի ռուսական ծառայությունը՝ վկայակոչելով Մեքսիկայի Առողջապահության նախարարությանը։
Մահվան ամենատարածված պատճառները ջերմային հարվածներն ու ջրազրկումն են եղել:
Շոգից հիմնականում տուժել է երկրի հյուսիսը և մայրաքաղաք Մեխիկոն՝ ինը միլիոն բնակչությամբ։ Ամենամեծ զոհերի թիվը (64 մարդ) գրանցվել է հյուսիսարևելյան Նուևո Լեոն նահանգում, որին հաջորդում է հարևան Տամաուլիպաս նահանգը՝ ԱՄՆ Տեխաս նահանգի հետ սահմանին։
Երկրի հյուսիս-արևմուտքում գտնվող Սոնորա նահանգում հունիսի վերջին շաբաթում գրանցվել է 49 աստիճան ջերմաստիճանի ռեկորդ, ասվում է Առողջապահության նախարարության հաղորդագրության մեջ։
Տաթև Ֆռանգյան
