26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Վրաստանի տնտեսությունը 3 տարում աճել է 30 մլրդ լարիով. Ղարիբաշվիլիի զեկույցը խորհրդարանում
Քաղաքականություն
30.06.2023 | 21:11
Վերջին երկու տարիների ընթացքում Վրաստանը 10 տոկոս տնտեսական աճ է գրանցել: Այս մասին հայտարարել է երկրի վարչապետ Իրակլի Ղարիբաշվիլին հունիսի 30-ին խորհրդարանում տարեկան զեկույցը ներկայացնելիս, գրում է Գրուզիա օնլայնը։
«Երեք տարվա ընթացքում մեր երկրի տնտեսությունն աճել է գրեթե 30 միլիարդ լարիով։ Այս տարի այս ցուցանիշը մեկ շնչի հաշվով կկազմի 8,200 դոլար։ Երեք տարի առաջ՝ 2020 թվականին, մեկ շնչի հաշվով համախառն ներքին արդյունքը կազմում էր մոտ 45,00 դոլար»,- ասել է նա։
Վարչապետը նաև ասել է, որ էապես նվազել է, այսպես կոչված, «արտաքին խոցելիությունը»։
«Անցյալ տարի ընթացիկ հաշվի դեֆիցիտը ՀՆԱ-ի նկատմամբ բարելավվել է 6,3 տոկոսային կետով և հասել պատմական նվազագույնի` 4,1 տոկոսի: Եթե համեմատենք ընթացիկ հաշվի դեֆիցիտը 2012 թվականին ՀՆԱ-ի նկատմամբ, որը 2 անգամ ավելի է եղել, ապա մենք զգալի առաջընթաց ենք գրանցել»,- ասել է Ղարիբաշվիլին։
Վարչապետը խոսել է ԵՄ անդամության թեկնածուի կարգավիճակ ստանալու վերաբերյալ Եվրահանձնաժողովի հանձնարարականների կատարման հարցում Վրաստանի առաջընթացի մասին։ 12 հանձնարարականներից 11-ը գործնականում իրականացվել են, ասել է նա։
Տաթև Ֆռանգյան
