08.04.2026 | 18:27
Ղազախստանից պատվիրակություն է գալիս ՀՀ // Ադրբեջանում երեք երկրաշարժ է եղել․ ԼՈՒՐԵՐ
Ջեյք Սալիվանն Էրդողանի խորհրդականի հետ ՌԴ-ում զարգացումների, Ուկրաինային աջակցության և ՆԱՏՕ-ին Շվեդիայի անդամակցության հարցեր է քննարկել
Քաղաքականություն
28.06.2023 | 22:12
ԱՄՆ Ազգային Անվտանգության հարցերով խորհրդական Ջեյք Սալիվանը հեռախոսազրույց է ունեցել Թուրքիայի նախագահի նորանշանակ մամուլի խոսնակ ու գլխավոր խորհրդական Աքիֆ Չաղաթայ Քըլըչի հետ։ Սպիտակ տան հաղորդմամբ՝ Սալիվանը շնորհավորել է Քըլըչին այդ պաշտոնում նշանակվելու կապակցությամբ և հայտնել իր պատրաստակամությունը սերտորեն համագործակցելու երկկողմ գործընկերությունն ամրապնդելու և ընդհանուր մարտահրավերներին դիմակայելու համար:
«Կողմերը քննարկել են Ռուսաստանում վերջին զարգացումները և Ուկրաինային շարունակական աջակցությունը, քանի որ այն պաշտպանվում է ռուսական ագրեսիայից, ինչպես նաև Թուրքիայի ջանքերը՝ ապահովելու սևծովյան հացահատիկային նախաձեռնության թարմացումը»,- ասվում է հաղորդագրության մեջ։
Կողմերը համաձայնել են Էգեյան ծովում կայունության շարունակականության կարևորության շուրջ, Սալիվանը ողջունել է Թուրքիայի և Հունաստանի կառուցողական ներգրավվածությունը:
«Նրանք նաև քննարկել են Վիլնյուսում կայանալիք ՆԱՏՕ-ի գագաթնաժողովի նախապատրաստական աշխատանքները։ Սալիվանն ընդգծել է Միացյալ Նահանգների տեսակետը, որ Շվեդիան պետք է հնարավորինս շուտ դառնա ՆԱՏՕ-ի անդամ»,-ասվում է Սպիտակ տան հաղորդագրության մեջ։
Էմմա Չոբանյան
