15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
«Լիդիան Արմենիան» Կառավարությունից գործընկերային հարաբերություններ է ակնկալում․ ինչի՞ դիմաց են տվել կապիտալի 12,5 %-ը․ ՏԵՍԱՆՅՈՒԹ
Տնտեսություն
27.06.2023 | 14:48
«Լիդիան Արմենիան» Կառավարությունից գործընկերային հարաբերություններ է ակնկալում․ այս մասին «Հանքարդյունաբերության զարգացման ռազմավարությունը՝ պատասխանատու հանքարդյունաբերության տեսանկյունից» կլոր սեղան-քննարկման ժամանակ ։հայտարարեց «Լիդիան Արմենիա» ընկերության գործադիր տնօրեն Հայկ Ալոյանը։
Հիշեցնենք ՝ ՀՀ կառավարությունը, «Լիդիան Արմենիան» և Եվրասիական զարգացման բանկը եռակողմ փոխըմբռնման հուշագիր են ստորագրել Ամուլսարի հանքավայրի շահագործումը վերսկսելու մասին․ համաձայնագրի արդյունքում Հայաստանի կառավարությունը անհատույց կստանա «Լիդիան Արմենիայի» կանոնադրական կապիտալի 12,5 տոկոսը։
Անդրադառնալով հարցին, թե ինչի՞ դիմաց են կառավարությանը տվել կապիտալի 12,5 %-ը, Ալոյանը նշեց, որ աշխարհի տարբեր երկրներում այդ փորձը կա, երբ որ մեծ բիզնեսները, այդ թվում հանքարդյունաբերողները համագործակցում են կառավարության հետ։
«Արդեն ունենք այդ փորձը նաև Հայաստանում, երբ ԶՊՄԿ-ն այդ սիստեմով աշխատեց, մենք ավելի համարձակ ձևակերպեցին մեր առաջարկը և ներկայացրինք կառավարությանը։ Կառավարություն – բիզնես համագործակցությունն այս դեպքում ավելի շահութաբեր է և՛ մեզ համար, և՛ պետության»,- հայտարարեց «Լիդիան Արմենիա» ընկերության գործադիր տնօրենը։
Մանրամասները՝ տեսանյութում։
