16.01.2026 | 12:47
UFC-ի նախագահն Արման Ծառուկյանին համեմատել է Ջոն Ջոնսի հետ
Պրիգոժինի ապստամբության ժամանակ դաշնակիցները դիմել են Ուկրաինային՝ հարվածներ չհասցնել ՌԴ-ի տարածքին․ CNN
27.06.2023 | 15:38
Ռուսական «Վագներ» մասնավոր ռազմական խմբավորման ղեկավար Եվգենի Պրիգոժինի ապստամբության ժամանակ արևմտյան դաշնակիցները տարբեր մակարդակներով կապ են հաստատել ուկրաինացի պաշտոնյաների հետ՝ նախազգուշացնելով նրանց չօգտագործել Ռուսաստանում տիրող քաոսը՝ հարվածելու համար ՌԴ-ի ներսում օբյեկտներին։ Այս մասին CNN-ին ասել է արևմտյան պաշտոնյաներից մեկը։
Մտավախությունն այն էր, որ Ուկրաինան և Արևմուտքը կդիտարկվեն Պրիգոժինին օգնելու և Ռուսաստանի ինքնիշխանությանը սպառնալիքի դերում:
«Ուղերձն էր՝ նավակը մի ճոճեք։ Դա Ռուսաստանի ներքին հարցն է»,- ասել է պաշտոնյան՝ նշելով, որ կոչը փոխանցվել է ԱԳՆ-ների, պատգամավորների և դեսպանների մակարդակով։
«Դաշնակիցները զգուշացրել են ուկրաինացիներին, որպեսզի չհրահրեն իրավիճակը: Օգտագործեք հնարավորություններն Ուկրաինայի տարածքում, բայց մի ներքաշվեք ներքին գործերի մեջ և մի հարվածեք Ռուսաստանի ներսում հարձակողական ռազմական օբյեկտներին»,- հավելել է աղբյուրը:
Հիշեցնենք, որ «Վագների» զինյալներն ապստամբություն էին սկսել և հունիսի 24-ի գիշերը մտել Դոնի Ռոստով, այնուհետև շարժվել դեպի Մոսկվա, բայց չեն հասել մայրաքաղաք։ Հունիսի 24-ի երեկոյան «Վագների» ղեկավար Եվգենի Պրիգոժինը հայտարարել էր, որ Բելառուսի նախագահ Ալեքսանդր Լուկաշենկոյի հետ բանակցություններից հետո «հետ են դարձնում իրենց շարասյուները» և «հեռանում են դաշտային ճամբարներ՝ պլանի համաձայն»։ Ավելի ուշ հայտնի դարձավ, որ Պրիգոժինը մեկնելու է Բելառուս։
Էմմա Չոբանյան
