26.06.2026 | 23:19
Վթար Շաղատ գյուղում․ վարորդը տեղում մահացել է
Բանակին ասել եմ՝ ի՞նչ է պետք կունենաք, ասել են՝ «Սու-30 ՍՄ»․ Փաշինյան․ ՏԵՍԱՆՅՈՒԹ
27.06.2023 | 12:21
Գնահատականը եղել է, որ լայնածավալ պատերազմի վերսկսման պարագայում հեշտ չի լինելու, բայց ՊԲ-ն և ՀՀ ԶՈՒ-ն ի վիճակի են կատարել իրենց առջև դրված խնդիրը. ընդ որում՝ այդ թվում՝ այն ձեռքբերումների արդյունքում, որոնք իրականացվել են: 44-օրյա պատերազմի հանգամանքների ուսումնասիրման քննիչ հանձնաժողովի այսօրվա նիստում նշեց ՀՀ վարչապետ Նիկոլ Փաշինյանը՝ անդրադառնալով հարցին, թե արդյոք ԳՇ-ից հնչե՞լ են գնահատականներ ԶՈՒ մարտունակության, հավանական պատերազմի ժամանակ մեր հնարավորությունների և ներուժի մասին։
Վարչապետն ընդգծեց, որ ՀՕՊ միջոցներ են ձեռք բերվել, և հիշեցրեց Սու-երի մասին քննարկված փաստը:
«Ես՝ որպես քաղաքական իշխանություն, բանակի առջև դրել եմ պարզ խնդրր. ասեք՝ ինչ է պետք, և դուք դա կունենաք: Ասել են՝ Սու-30 է պետք. դուք պատկերացնո՞ւմ եք՝ գերժամանակից ինքնաթիռ»,- նշեց վարչապետը՝ հիշեցնելով, որ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը այդ ինքնաթիռները ձեռք բերելու նպատակահարմության վերաբերյալ նամակ է ուղարկել իրեն, որն էլ մակագրել է ՊՆ-ին:
«Ասել եմ՝ այսպիսի տեսակետ կա, քննարկեք և ասեք: Ստացել եմ պատասխան, որ քննարկել ենք, և մեր եզրակացությունն այն է, որ դա մեզ պետք է:
Ասել եմ՝ որ ինչ պետք է՝ կունենաք: Է՞լ ինչ է պետք: Պետք են ՀՕՊ միջոցներ: Ի՞նչ է պետք դրա համար. այսքան գումար: Կունենաք: Է՞լ ինչ է պետք: Այսինքն՝ 2020 թ. մինչև պատերազմի վերջը նույն սկզբունքով եմ առաջնորդվել: Կոչում է պետք՝ կունենաք, մեդալ է պետք՝ կունենաք, փող է պետք՝ կունենաք, սնունդ է պետք՝ կունենաք: Քննադատում են, ասում են՝ պարգևատրեց, էս արեց, էն արեց: Այդ նույն սկզբունքի շրջանակներում ասել եմ՝ բանակն ինչ ասի, ես «չէ» չեմ ասելու, բանակը «չէ» բառը ինձնից չի լսելու: Ինչ պետք է, կունենաք, և ինչ ինձնից ուզել են, ունեցել են: Իհարկե, օբյեկտիվ սահմանափակումներով»,- նշեց վարչապետը:
Մանրամասները՝ տեսանյութում։
