20.04.2026 | 17:38
Լիբանանի նախագահը հայտարարել է Իսրայելի հետ բանակցելու պատրաստակամության մասին
Համաշխարհային բանկի 17 հոգանոց աշխատանքային խումբը ֆինանսական առողջության գնահատում է կատարում Հայաստանում
Տնտեսություն
06.07.2018 | 15:10
ՀՀ տնտեսական զարգացման և ներդրումների նախարար Արծվիկ Մինասյանը հանդիպում է ունեցել Համաշխարհային բանկի խմբի ֆինանսական հատվածի գնահատման ծրագրի առաքելության հետ՝ պատվիրակության ղեկավար Իսֆանդյար Զաման Խանի գլխավորությամբ. տեղեկացնում է նախարարության լրատվական ծառայությունը:
Պատվիրակության կազմում ընդգրկված են մասնագետներ Ֆիոնա Էլիզաբեթ Սթյուարթը, Տանյա Կոնիդարիսը, Անժելա Պրիգոժինան։ Հանդիպմանը մասնակցել են ՏԶՆ նախարարի տեղակալներ Ալբերտ Բաբայանն ու Ավագ Ավանեսյանը, պաշտոնատար այլ անձինք։
Հանդիպմանը քննարկվել են ՓՄՁ-ների ֆինանսական հասանելիությանն առնչվող հարցեր, անդրադարձ է եղել կառավարության կողմից իրականացվող ֆինանսական հասանելիության և ներառականության ապահովման գործընթացին։ ՀԲԽ ներկայացուցիչները հայտնել են այն աշխատանքների մասին, որոնք ներկայում իրականացնում են Հայաստանում Արժույթի միջազգային հիմնադրամի հետ համատեղ։ Մասնավորապես, ներկայում 17 հոգանոց աշխատանքային խումբը ֆինանսական առողջության գնահատում է կատարում Հայաստանում։
Նախարարը ներկայացրել է ներդրումային ոլորտում իրականացվող բարեփոխումների ընթացքը, անդրադարձել պետություն-մասնավոր հատված փոխգործակցությանը։
Կողմերը խոսել են նաև հարկային օրենսդրության, ֆինանսական և բանկային համակարգի,կապիտալի շուկայի զարգացման, կիբերանվտագությանն առնչվող և մի շարք այլ հարցերի մասին։
