18.03.2026 | 11:46
Ոչ մի երկիր իրավունք չունի իր տարածքը տրամադրել այլ երկրների կողմից ագրեսիվ գործողությունների համար. Արաղչին՝ Բայրամովին
Իրանի և Ադրբեջանի ԱԳ նախարարները կրկին քննարկել են առկա լարվածության լուծման ուղիները
Քաղաքականություն
26.06.2023 | 17:34
Իրանի և Ադրբեջանի ԱԳ նախարարներ Հոսեյն Ամիր Աբդոլահիանն ու Ջեյհուն Բայրամովը հերթական հեռախոսային բանակցություններն են անցկացրել։ Ադրբեջանի ԱԳՆ-ի փոխանցմամբ՝ կողմերը քննարկել են ներկա իրավիճակն ու երկու երկրների միջև հարաբերությունների հեռանկարները։
Նշվել է երկու երկրների համապատասխան կառույցների և պաշտոնյաների միջև բանակցությունների ու փոխադարձ շփումների կարևորությունը երկկողմ և տարածաշրջանային հարաբերությունների մի շարք ոլորտներում, այդ թվում՝ տնտեսական և տրանսպորտային նախագծերում։ Ընդգծվել է երկկողմ օրակարգի՝ լուծում պահանջող հարցերի շուրջ բանակցությունների շարունակման և դրանց լուծման կարևորությունը։
Կողմերը մտքեր են փոխանակել մի շարք բազմակողմ և տարածաշրջանային հարցերի շուրջ։
Հավելենք, որ Աբդոլահիանի ու Բայրամովի վերջին հեռախոսազրույցը տեղի էր ունեցել հունիսի սկզբին՝ Թեհրանի և Բաքվի հարաբերություններում առկա լարվածության աճի ֆոնին։ Օրերս էլ Ադրբեջանի ԱԳՆ-ն իր քաղաքացիներին հորդորել էր Իրան չայցելել։ Վերջերս նաև տեղեկություններ էին տարածվել, որ Իրանում ձերբակալվել է Ադրբեջանի քաղաքացի Ֆարիդ Սաֆարլին՝ լրտեսության մեղադրանքով։ Իր հերթին, Բաքուն շարունակվում է կրոնական տարբեր գործիչների ձերբակալություններն Իրանի օգտին լրտեսություն կատարելու կասկածանքով։ Հունիսի 23-ից էլ Ադրբեջանը դադարեցրել է Իրանի քաղաքացիներին վիզաների տրամադրումն իր օդանավակայաններում։
Էմմա Չոբանյան
