14.08.2026 | 16:44
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ներկայացրել ՀՀ ՔԿ
«Ինչո՞ւ նիստից 15 րոպե ուշ եկաք․ բան կա՞ր, որին չէիք ուզում մասնակցել»․ Ալեքսանյանը՝ ընդդիմությանը․ ՏԵՍԱՆՅՈՒԹ
Քաղաքականություն
26.06.2023 | 13:02
Ինչու՞ այսօր նիստից 15 րոպե ուշ եկաք, բան կար նիստի սկզբում, որին փորձեցիք չմասնակցե՞լ։ այսօր՝ հունիսի 26-ին, ԱԺ արտահերթ նիստի ժամանակ դիմելով ընդդիմությանը՝ այս հարցն ուղղեց Քաղաքացիական պայմաանգիր խմբակցության պառգամավոր Վահագն Ալեքսանյանը։
Նշենք, որ այսօր ԱԺ նիստը մեկնարկեց մեկ րոպե լռությամբ պատգամավոր Վիգեն Խաչատրյանի հիշատակը հարգելով, այդ ժամանակ ընդդիմությունը դահլիճում չէր։
Վահագն Ալեքսանյանի դիտարկմամբ՝ առաջին անգամ չէ, որ ընդդիմությունը Սահմանադրության փոփոխությունների առաջամարտիկը լինելով հանդերձ՝ ինչ-որ նոր թեզեր է առաջ քաշում:
«Դրա վառ օրինակը այս օրերին հանդիսանում է ԱԺ 44-օրյա պատերազմի հանգամանքները ուսումնասիրող քննիչ հանձնաժողովի աշխատանքերը բոլկոտելը, կամ ավելի մարդկային լեզվով ասած՝ ընդդիմության գլխապատառ փախուստը: Սա լրիվ տեղավորվում է այն տրամաբանության մեջ, որ, օրինակ, ընդդիմությունը չեկավ լսելու, որ 2008-2018թթ Հայաստանը գնել է ընդամենը 345 միլիարդ դրամի զենք, իսկ 2018-2020թթ՝ 609 միլիարդ դրամի զենք: Ի՞նչ է սա, եթե ոչ հայրենավաճառության մասին փաստական ապացույց»,- նշեց իշխանական պատգամավորը:
Ալեքսանյանը խորհրդարանական ընդդիմությանը հորդորեց ներկայանալ 44-օրյա պատերազմի հանգամանքները ուսումնասիրող քննիչ հանձնաժողովի նիստին և տալ իրենց հուզող հարցերը, դիմումներն ու բողոքները․ «Բայց դուք չեք գա և չեք տա ձեր հարցերը, որովհետև չկա մի բան, որ դուք կարող եք արտաբերել, որպես մեղադրանք, ու դա չունենա հստակ ու ռացիոնալ պատասխան: Այս պատճառով էլ գլխապատառ փախուստի մեջ եք»:
Մանրամասները՝ տեսանյութում։
