13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Կանգառներում էկրաններ պիտի դնենք, որպեսզի մարդիկ իմանան՝ ավտոբուսը որտեղ է, երբ կհասնի․ Ավինյան․ ՏԵՍԱՆՅՈՒԹ
Տեսանյութեր
26.06.2023 | 11:09
Երևանի քաղաքապետարանի գործակարգավարական նիստի ժամանակ անդրադարձ կատարվեց տրանսպորտային բարեփոխումներին։
Երևանի հասարակական տրանսպորտի մասին տեղեկություններն արդեն հասանելի են «Yandex»-ի էլեկտրոնային քարտեզում։ Այս մասին հայտարարեց փոխքաղաքապետ Տիգրան Ավինյանը։
Նրա խոսքով՝ օգտագործելով «Yandex» քարտեզները՝ քաղաքացիներն ու զբոսաշրջիկները կարող են տեսնել Երևանի հասարակական տրանսպորտի երթուղիներն ու կանգառները, պլանավորել երթևեկությունը՝ նշելով սկզբնակետը և վերջնակետը, տեսնել պլանավորված երթուղու ուղեգիծը։
Քաղաքապետարանը շարունակում է աշխատել և վստահեցնում, որ երթուղիների առցանց ցուցադրման որակը բարելավվելու է։
Երևանի քաղաքապետարանի տրանսպորտի վարչության պետ Վազգեն Հարությունյանի խոսքով՝ արդեն ներդրվել է օնլայն քարտեզի վրա հանրային տրանսպորտի տեղաշարժը ֆիքսելու հավելված։
«Հետագայում ավտոբուսների մեջ կտեղադրվեն հատուկ սարքեր, ու քաղաքացիները հավելվածի միջոցով կկարողանան նաև տեսնել, թե քաղաքի որ հատվածում է գտնվում այն ավտոբուսը, որին սպասում է նա, ինչքան ժամանակից կլինի տեղում` հաշվի առնելով նաև խցանումները»,– զեկուցեց Հարությունյանը։
Նա նաև տեղեկացրեց, որ հուլիսի 1-ին գործարկվող նոր երթուղիները նույնպես տեղ կգտնեն առցանց քարտեզում։
«Մեզ պետք է արդեն մտածել, որ կանգառներում համապատասխան էկրաններ լինեն, որպեսզի մարդիկ իմանան՝ ավտոբուսը որտեղ է և քանի րոպեից կանգառում կլինի»,-նշեց քաղաքապետի տեղակալը՝ հանձնարարելով այս ուղղությամբ աշխատանքներ իրականացնել։
Մանրամասները՝ տեսանյութում։
