Քաղաքականություն
23.06.2023 | 22:14
Սպասվում է, որ Թուրքիայի նախագահ Թայիփ Էրդողանը և Իսրայելի վարչապետ Բենիամին Նեթանյահուն հաջորդ ամիս կհանդիպեն՝ փորձելով ամրապնդել իրենց երկրների միջև պատմականորեն լարված հարաբերությունները, հաղորդում է Bloomberg-ը, որին վկայակոչում է Gercek news-ը։
Սա տեղի է ունենում զարգացումների ֆոնին, երբ Թուրքիան և Իսրայելը ձգտում են վերականգնել հարաբերությունները ավելի քան մեկ տասնամյակ լարվածությունից հետո: Անցյալ տարվա օգոստոսին երկու երկրները վերականգնեցին լիարժեք դիվանագիտական հարաբերությունները՝ ազդարարելով հարաբերություններում տեղաշարժը։
Իրավիճակին ծանոթ աղբյուրներն ասել են, որ Ուկրաինա Ռուսաստանի ներխուժման հետևանքով առաջացած իրավիճակը և տարածաշրջանում Իրանի գործողությունները լրացուցիչ դրդապատճառ են երկու երկրների համար՝ շտկելու իրենց հարաբերությունները: Թուրքիան մտահոգություն է հայտնել Սիրիայում Իրանի ազդեցության աճի, մասնավորապես, Իսրայելի դեմ թշնամաբար տրամադրված խմբավորումների աջակցության կապակցությամբ, ինչպիսին է Լիբանանում Հըզբոլլահը: Բացի այդ, Թուրքիան և Իսրայելը կիսում են Ադրբեջանում շահերը։
Այժմ սպասվում է, որ Էրդողանն ու Նեթանյահուն հուլիսին կհանդիպեն Անկարայում, եթե նրանց աշխատանքային ժամանակացույցը համապատասխանի։
Էմմա Չոբանյան
