06.06.2026 | 11:56
Արամ Դանիելյանից կբռնագանձվեն բնակարաններ, հողամասեր, մեքենաներ և 100 մլն դրամ
Ալիևը սպառնացել է և ներկայացրել խաղաղության համաձայնագրի սեփական պայմանները
Քաղաքականություն
23.06.2023 | 20:10
Հայաստանի հետ խաղաղության բանակցությունների ավարտն այսօր անհրաժեշտ է նաև մեզ, բայց առավել ևս՝ հենց Հայաստանին։ Այս մասին հայտարարել է Ադրբեջանի նախագահ Իլհամ Ալիևը՝ հավելելով, որ խաղաղության պայմանագիրը պետք է ստորագրվի միջազգային իրավունքի նորմերի և սկզբունքների հիման վրա՝ հաշվի առնելով տիրող իրողությունները։
Ըստ Ալիևի՝ այն պետք է հիմնված լինի «բացառապես Ադրբեջանի պայմանների ու շահերի վրա»։
«Խաղաղության համաձայնագիրը պետք է հաշվի առնի հետպատերազմյան իրողությունները։ Դա բնական է. մենք հաղթել ենք, արյուն ենք թափել, կորուստներ ենք ունեցել»,-ասել է նա՝ հայտարարելով, որ «պետք է թղթի վրա ամրագրվի, որ Ղարաբաղն Ադրբեջան է, և Հայաստանը պետք է դա ստորագրի»։
«Միայն այդ դեպքում կարող է երկարաժամկետ խաղաղություն տիրել Հարավային Կովկասում»,- հավելել է Ալիևը։
Որպես պայմանագրի մյուս պայմաններ՝ Ալիևը նշել է, այսպես կոչված, «Զանգեզուրի միջանցքի» բացումն ու Արցախի ՊԲ-ի վերացումը։
«Մենք մեզ դեռ զուսպ ենք պահում։ Այսօր ուժը մեր կողմն է, իսկ ժամանակը, միջազգային իրավունքը ամրապնդում են մեր դիրքերը։ Համաշխարհային հանրությունն արդեն միանշանակ ճանաչում է Ղարաբաղը որպես Ադրբեջանի անբաժանելի մաս։ Մենք կարող ենք սպասել: Նորից եմ ասում՝ մենք չենք շտապում»,- ասել է նա՝ հավելելով, թե Ադրբեջանի դեմ, իբր, տարվող «կեղտոտ արշավը որևէ նշանակություն չունի»։
Էմմա Չոբանյան
