16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
Բաքուն ԼՂ հայերին անվտանգության հատուկ երաշխիքների տրամադրման նախապայմանը չի ընդունում․Ջեյհուն Բայրամով
Քաղաքականություն
23.06.2023 | 11:43
Ադրբեջանի ԱԳ նախարար Ջեյհուն Բայրամովը մերժել է Հայաստանի պահանջը՝ խաղաղության բանակցությունների նոր փուլից առաջ Լեռնային Ղարաբաղում բնակվող շուրջ 120 հազար էթնիկ հայերի համար անվտանգության հատուկ երաշխիքներ տրամադրել։
Reuters գործակալությանը տված հարցազրույցում Բայրամովն ասել է, որ նման երաշխիքն ավելորդ է, և պահանջը նշանակում է միջամտություն Ադրբեջանի գործերին։
«Մենք նախապայմանը չենք ընդունում մի շարք պատճառներով։ Ամենասկզբունքայինը հետևյալն է. սա ներքին, ինքնիշխան խնդիր է: Ադրբեջանի սահմանադրությունը և մի շարք միջազգային կոնվենցիաները, որոնց կողմ է Ադրբեջանը, ապահովում են բոլոր անհրաժեշտ պայմանները, որպեսզի երաշխավորվեն այդ բնակչության իրավունքները»,-ասել է նա՝ նշելով, թե «էթնիկ հայերը դեռ կարող են օգտագործել և կրթվել իրենց լեզվով և պահպանել իրենց մշակույթը, եթե այլ էթնիկ և կրոնական փոքրամասնությունների նման «ինտեգրվեն» ադրբեջանական հասարակությանը և պետական կառույցներին»։
Լրատվամիջոցը նշում է, որ Բայրամովն ասել է թե խաղաղության բանակցություններում «որոշ առաջընթաց» է եղել, և որ Բաքուն ցանկանում է գործարք կնքել, բայց նաև մեկնաբանություններ է արել, որոնք ցույց են տալիս, թե որքան մեծ է անդունդը հաջորդ շաբաթ Վաշինգտոնում հայ գործընկերոջ հետ կայանալիք հանդիպումից առաջ։
«Եթե կա ցանկություն ոչ միայն հայտարարություններ անելու, այլ նաև գործնական քայլեր, կարծում եմ, որ հնարավոր է համաձայնության հասնել նույնիսկ տարեվերջից շուտ։ Բայց եթե չլինի իրական պատրաստակամություն, կարող է ավելի ուշ լինել»,-հավելել է Բայրամովը։
