09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
«Գուցե, ամեն ծառն ինձ համար ավելի շատ թանկ է, բայց վարչապետի կարգավիճակում պետք է լինեմ հավասարակշռված»․ Նիկոլ Փաշինյան․ ՏԵՍԱՆՅՈՒԹ
Քաղաքականություն
06.07.2018 | 11:27
Ինչպես արդեն տեղեկացրել ենք, ՀՀ վարչապետ Նիկոլ Փաշինյանն այսօր հանդիպել է Ամուլսարի հանքի ճանապարհը փակած քաղաքացիների և «Լիդիան Արմենիա» ընկերության աշխատակիցների հետ։
Վարչապետի առաջարկությամբ Ջերմուկ քաղաքում տեղի ունեցավ քննարկում հանքը շահագործող ընկերության աշխատակիցների և հանքի շահագործման դեմ բողոքող քաղաքացիների հետ: «Մենք պետք է հասկանանք, որ ունենք իրավական վիճակ։ Եթե մենք այս իրավիճակում որևէ ապօրինություն անենք, եթե ոչ մեր տեսակետից, ապա գոնե միջազգային հարաբերությունների տեսակետից, կարող ենք շատ լուրջ խնդիրների առաջ կանգնել»,- ասաց վարչապետը։
Վերջինս նշեց, որ ցանկացած որոշում, որը պետք է կայացվի, պետք է կայացվի փաստերի հիման վրա․ «Այս ամբողջ պատմության ողջ իմաստն այն է, որ ինչ-որ մարդիկ ուզում են ստեղծել ինչ- որ սիտուացիա, դա վարկած է, և քանի որ մենք հիմա քննարկում ենք բոլոր եղած վարկածները, ես հարկ եմ համարում գծել այն քարտեզը, որի առաջ կանգնած ենք։ Այս իրավիճակում ինձ ամենաշատը մտահոգում է այն, որ այստեղ կարող են լինեն մարդիկ, որոնք կպնդեն, թե իրենց չեն հետաքրքրում փաստերը։ Ես այս հարցում չունեմ որևէ այլ նպատակ, բացի ՀՀ հավասարակշռված շահը։ Գուցե, ամեն ծառն ինձ համար ավելի շատ թանկ է, բայց վարչապետի կարգավիճակում պետք է լինեմ հավասարակշռված»։
Մանրամասները՝ տեսանյութում։
