08.10.2026 | 09:59
Կառավարության նիստը՝ ՈՒՂԻՂ
ԱՄՆ-ում թույլատրել են լաբորատորիայում աճեցված մսի վաճառքը
Քաղաքականություն
22.06.2023 | 18:26
Միացյալ Նահանգներում թույլ են տվել լաբորատոր պայմաններում ստացված մսի վաճառքը։ ԱՄՆ գյուղատնտեսության նախարարությունը Upside Foods և Good Meat ընկերություններին վերջնական թույլտվություն է տվել, այսպես կոչված, մշակված մասի արտադրություն իրականացնել, գրում է DW-ի ռուսական ծառայությունը՝ հղում կատարելով երկու ընկերությունների տարածած հայտարարությանը։
Արդյունքում ԱՄՆ դարձել է Սինգապուրից հետո երկրորդ երկիրը, որտեղ թույլատրվել է լաբորատոր մսի վաճառքը։
Upside Foods-ն այս որոշումն անվանել է «երազանքի իրականացում» և «նոր դարաշրջանի սկիզբ»:
Ամերիկյան երկու ընկերություններն էլ զբաղվում են հավի մսի մշակությամբ։ Այն ստացվում է կենդանական բջիջների նմուշից, որոնք սնուցվում և աճեցվում են պողպատե տարաներում:
Երկու ընկերությունն էլ՝ Upside Foods-ը և Good Meat-ը , մտադիր են սկզբնական շրջանում լաբորատորիայում աճեցված միս մատակարարել բարձրակարգ ռեստորաններին: Արտադրության ծավալներն ավելացնելուց հետո նման միսը նախատեսվում է մատակարարել նաև մթերային խանութներ։
Տաթև Ֆռանգյան
