27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Զախարովան՝ Շուշիում Թուրքիայի կողմից գլխավոր հյուպատոսություն բացելու մտադրության մասին
Քաղաքականություն
21.06.2023 | 19:41
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Թուրքիայի կողմից հայկական օկուպացված Շուշի քաղաքում հյուպատոսություն բացելու մասին հայտարարությունները։ Իր ամենշաբաթյա ճեպազրույցի ժամանակ ռուսաստանցի պաշտոնյան նշել է, որ դա երկու ինքնիշխան երկրների ներքին գործն է, սակայն, միևնույն ժամանակ, Մոսկվան հասկանում է Երևանի համար այս հարցի զգայունությունը։
«Մենք հասկանում ենք հարցի զգայունությունը Երևանի համար։ Մեր շփումներում մենք ընդգծում ենք միմյանց շահերը հաշվի առնելու անհրաժեշտությունը, ինչպես նաև հայ-ադրբեջանական և հայ-թուրքական հարաբերությունների կարգավորման գործընթացի կարևորությունը»,- հավելել է նա։
Հիշեցնենք, որ Բաքու կատարած այցի ժամանակ Թուրքիայի նախագահ Ռեջեփ Թայիփ Էրդողանը հայտարարել էր Բաքվի հետ բոլոր ոլորտներում հարաբերությունները զարգացնելու՝ Անկարայի պատրաստակամության մասին։ Թուրքիայի առաջնորդն ընդգծել էր, որ Անկարան պատրաստ է Բաքվի ցանկության դեպքում ցանկացած պահին գլխավոր հյուպատոսություն բացել Շուշիում։ Էրդողանի խոսքով՝ այդ քայլն «ուղերձ կլինի ամբողջ աշխարհին, հատկապես՝ Հայաստանին»:
Տաթև Ֆռանգյան
