18.03.2026 | 13:47
Քոչարյանը թող հանգստացնող միջոցառումներ իրականացնի. չի հանգստանում,ապօրինի գույքի փաթեթ կա. Ավանեսյան․ ՏԵՍԱՆՅՈՒԹ
Հակահարձակումն ավելի դանդաղ է ընթանում, քան մենք կցանկանայինք, բայց սա հոլիվուդյան ֆիլմ չէ. Զելենսկի
Քաղաքականություն
21.06.2023 | 21:23
Ուկրաինայի նախագահ Վլադիմիր Զելենսկին խոստովանել է, որ ուկրաինական հակահարձակման մեկնարկից մի քանի շաբաթ անց մարտադաշտում առաջխաղացումն «ավելի դանդաղ է ընթանում, քան մենք կցանկանայինք»։
«Ոմանք այն ընկալում են որպես հոլիվուդյան ֆիլմ և սպասում են արդյունքների հենց հիմա: Սակայն դա այդպես չէ։ Մարդկանց կյանքեր են վտանգված»,- ասել է նա BBC-ին:
Զելենսկին բացատրել է, որ հարձակումը հեշտ չէ, քանի որ ռուս զինվորականներն ականապատել են 200 հազար քառ. կմ ուկրաինական տարածքները։
«Ով էլ ինչ ուզի, ներառյալ՝ մեզ ճնշելու փորձերը, ամենայն հարգանքով, մենք կշարժվենք ռազմի դաշտում այնպես, ինչպես հարմար ենք համարում»,- ասել է Վլադիմիր Զելենսկին։
Զելենսկին չի հստակեցրել, թե կոնկրետ ով է նման ճնշում գործադրում Ուկրաինայի վրա։
Տաթև Ֆռանգյան
