14.08.2026 | 16:44
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ներկայացրել ՀՀ ՔԿ
Raiffeisen Bank-ը փակում է եվրոյով փոխանցումները ՌԴ-ի ներսում և դեպի 12 երկրներ, այդ թվում՝ Հայաստան
Քաղաքականություն
21.06.2023 | 19:11
Raiffeisen Bank-ը հայտարարել է, որ հուլիսի 3-ից դադարեցնում է եվրոյով փոխանցումներն իր հաճախորդների հաշիվներից 12 երկրներ՝ Ադրբեջան, Հայաստան, Բելառուս, Վրաստան, Հորդանան, Ղազախստան, Ղրղզստան, Մոլդովա, Արաբական Միացյալ Էմիրություններ, Տաջիկստան, Թուրքմենստան, Ուզբեկստան, գրում է Meduza-ն:
Raiffeisen-ի հաղորդագրությունից հետևում է նաև, որ Ռուսաստանի այլ բանկերին նույնպես եվրո փոխանցել հնարավոր չի լինի։ Միևնույն ժամանակ, բանկի հաճախորդները դեռևս կկարողանան եվրոյով փոխանցումներ կատարել վարկային հաստատության ներսում՝ ինչպես իրենց սեփական հաշիվների միջև, այնպես էլ այլ հաճախորդներին։ Նոր պայմանները վերաբերում են բոլոր հաճախորդներին՝ ֆիզիկական և իրավաբանական անձանց, անհատ ձեռնարկատերերին:
Raiffeisen-ում եվրոյով փոխանցումների նոր կանոնները բացատրվել են «թղթակից բանկերի կողմից սահմանված սահմանափակումներով»։
Հունիսի 20-ից Raiffeisen-ը Ռուսաստանում ներդրել է 50% միջնորդավճար (բայց ոչ ավելի, քան 500 դոլար) ֆիզիկական անձանց համար այլ բանկերից դոլարով մուտքային փոխանցումների համար։ Բանկն այս որոշումը բացատրել է որպես «շուկայական պայմանների փոփոխություն», ինչի կապակցությամբ հաստատությանը ստիպել են «սահմանափակել մուտքային փոխանցումների թիվը դոլարով»։
Raiffeisen-ն այն սակավաթիվ միջազգային բանկերից է, որը շարունակում է իր գործունեությունը Ռուսաստանում՝ Ուկրաինա ռուսական զորքերի լայնամասշտաբ ներխուժման մեկնարկից ավելի քան մեկ տարի անց: Սակայն, ինչպես նշում է The Bell-ը, բանկն աստիճանաբար կրճատում է գործունեությունը, իսկ դրա մայր ընկերությունը՝ ավստրիական RBI-ն, ճանապարհ է փնտրում առանց մեծ կորուստների ակտիվից ազատվելու համար։
Տաթև Ֆռանգյան
