08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
ՌԴ-ն առնվազն երկու անգամ հարձակվել է Կիևում հետախուզական վարչության վրա․ The Economist
Քաղաքականություն
21.06.2023 | 16:04
The Economist-ը հրապարակում է արել ուկրաինական հետախուզության պատմության մեջ ամենաերիտասարդ ղեկավար Կիրիլ Բուդանովի մասին, ում բրիտանական պարբերականն անվանում է կուռքային կերպար, գրում է BBC-ի ռուսական ծառայությունը։
«Որպես Ռուսաստանի ներսում ավելի համարձակ գործողությունների ճարտարապետ՝ նա Կրեմլի զայրույթի աղբյուր է»,-գրում է լրատվամիջոցը։
Ըստ Բուդանովի օգնականների՝ նրա դեմ առնվազն տասը մահափորձ է իրականացվել։ Լրագրողները նրա հետ հանդիպել են իր գրասենյակում։ Նշվում է, որ շենքն առնվազն երկու անգամ ենթարկվել է ռուսական հրետակոծության։
Լրատվամիջոցը գրում է, որ դա առաջին անգամ տեղի է ունեցել 2022 թվականի մարտին՝ Ուկրաինա ռուսական լայնամասշտաբ ներխուժման մեկնարկից անմիջապես հետո։ Սարսափը կաթվածահար է արել անգամ ռազմական հետախուզության աշխատակիցներին։ Նրանք նկարագրել են իրենց իրավիճակը, երբ հրթիռներ էին թռչում, շենքեր էին փլուզվում։
Տղամարդիկ, որոնք սպասասրահում սպասել են իրենց ղեկավարին, ընկել են հատակին։ Մի քանի ակնթարթ անց նրանց կողքի դուռը բացվել է և Կիրիլ Բուդանովը դուրս է եկել սենկակից։ Աշխատակիցներից մեկի հիշողությունների համաձայն՝ նա ասել է, որ ամեն ինչ կարգին է և կարգադրել է վերադառնալ աշխատանքի։
Երկրորդ հարձակումը տեղի է ունեցել մայիսի 29-ին։
«Բալիստիկ հրթիռներ, թևավոր հրթիռներ և անօդաչու թռչող սարքեր են արձակվել հետախուզության գրասենյակի վրա: Նրանք համարյա խփել են շենքին և մոտակա ավտոմոբիլային կամրջին, իսկ անօդաչուները խոցել են մեկ այլ շինություն»,-գրում է լրատվիամիջոցը։
Մեկ օր անց Վլադիմիր Պուտինը հայտարարել էր, որ Ռուսաստանը հարված է հասցրել Ուկրաինայի ռազմական հետախուզության շտաբի վրա։ Կրեմլամետ լրատվամիջոցները հայտնել էին, որ Բուդանովը տարհանվել է Գերմանիա և ընկել կոմայի մեջ։
Ըստ The Economist-ի՝ կարող են հաստատել, որ այս պնդումներից ոչ մեկը չի համապատասխանում իրականությանը։ Բուդանովը, որը պարբերաբար ստիպում է անհանգստանալ է իր գործընկերներին, քանի որ անձամբ է մասնակցում ռազմական գործողություններին, ավելի ու ավելի կարևոր դեր է խաղում Ուկրաինայի ապագայի շուրջ կուլիսային բանակցություններում և քննարկումներում։
Էմմա Չոբանյան
