14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինային ծանր մարտեր են սպասվում․ Պենտագոն
Քաղաքականություն
21.06.2023 | 11:47
Ուկրաինայի զինված ուժերը ի վիճակի են հաջողության հասնել հարձակման ժամանակ, սակայն ուկրաինացի պաշտպաններին սպասվում են դժվար մարտեր հակառակորդի հետ։ Այս մասին երեքշաբթի՝ հունիսի 20-ին, ճեպազրույցի ժամանակ հայտարարել է Պենտագոնի մամուլի քարտուղարի տեղակալ Սաբրինա Սինգհը։
«Մենք գիտենք, որ մարտերը դժվար են լինելու, գիտենք, որ դրա համար ժամանակ է պետք»,- ընդգծել է նա։ Ըստ Սինգհի՝ ուկրաինացի զինվորներն ունակ են հաջողության հասնել հակահարձակողական գործողություններում։
Պենտագոնի խոսնակը հիշեցրել է, որ անցած շաբաթ տեղի է ունեցել Ուկրաինայի պաշտպանության հարցերով կոնտակտային խմբի հանդիպումը, որի մասնակիցները հայտարարել են Կիևին ռազմական աջակցության նոր փաթեթների մասին։
Հիշեցնենք, որ հունիսի 9-ին Միացյալ Նահանգները հայտարարել է Ուկրաինային 2 մլրդ դոլարի զենք տրամադրելու մասին, որը ներառում է հակաօդային պաշտպանության կարևոր համակարգեր և զինամթերք, այդ թվում՝ Patriot համակարգերի համար։
