16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ջո Բայդենը Սի Ցզինպինին բռնապետ է անվանել
Քաղաքականություն
21.06.2023 | 14:32
ԱՄՆ նախագահ Ջո Բայդենը պետքարտուղար Էնթոնի Բլինքենի՝ Չինաստան կատարած այցից մեկ օր անց Չինաստանի նախագահ Սի Ցզինպինին բռնապետ է անվանել։ Այս մասին նա հայտարարել է, երբ խոսել է տարեսկզբին ԱՄՆ-ի երկնքում խոցված չինական հետախուզական օդապարիկի վերաբերյալ իր արձագանքի մասին, հայտնում է CNN-ը։
«Պատճառը, թե ինչու Սի Ցզինպինը շատ վրդովվեց, երբ ես խփեցի երկու տուփ լրտեսական սարքավորումներով այդ օդապարիկը, այն է, որ նա չգիտեր, որ այն այնտեղ է: Լուրջ եմ ասում: Իսկ դա մի բան է, որն իսկապես դուր չի գալիս բռնապետերին: Երբ նրանք չգիտեն, թե ինչ է կատարվում»,- ասել է Բայդենը։
Հիշեցնենք՝ Բայդենը նախօրեին ասել էր, որ ԱՄՆ-ը և Չինաստանը ճիշտ ուղու վրա են։ Ամերիկացի առաջնորդը նաև նշել էր, որ պետքարտուղարը «գերազանց աշխատանք է կատարել» Չինաստան կատարած այցի ընթացքում։
Հավելենք նաև, որ փետրվարի 4-ին ԱՄՆ զինվորականները խոցել էին չինական հետախուզական օդապարիկ։ Դրա հայտնաբերումը դիվանագիտական ճգնաժամի պատճառ էր դարձել երկու երկրների միջև, որի արդյունքում ԱՄՆ պետքարտուղարն այն ժամանակ չեղարկեց Չինաստան կատարելիք այցը:
Տաթև Ֆռանգյան
