02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Մերձմոսկվայում 3 ԱԹՍ է ընկել
Քաղաքականություն
21.06.2023 | 11:17
Մի քանի ռուսալեզու Telegram լրատվական ալիքներ հայտնում են, որ այսօր առավոտյան երեք անօդաչու թռչող սարք է ընկել Մոսկվայի մերձակայքում։
Վկայակոչելով տեղի բնակիչներին՝ հաղորդվում է, որ մեկ անօդաչու թռչող սարք պայթել է Լուկինո գյուղի մոտ՝ Մոսկվայից մոտ 13 կիլոմետր հարավ, ևս երկուսն ընկել են Նարո-Ֆոմինսկի շրջանի զորամասի մոտ, փոխանցում է BBC-ի ռուսական ծառայությունը։
Ավելի ուշ Մոսկվայի մարզի նահանգապետ Անդրեյ Վորոբյովը հաստատել է մերձմոսկովայում ԱԹՍ-ների ընկնելու մասին լուրերն ու լուսանկարներ հրապարակել դեպքի վայրից։
«Այսօր առավոտյան մոտավորապես ժամը 5:30-ին և 5:50-ին ավիացիոն տիպի երկու սարք ընկել է զորամասերից մեկի պահեստին մոտենալով՝ զինվորականների հակազդեցության հետևանքով։ Բեկորները հայտնաբերվել են, վնասներ և տուժածներ չկան»,- գրում է մարզպետը։ Վորոբյովի խոսքով՝ անօդաչուները խփվել են Նարո-Ֆոմինսկի շրջանի Կալինինեց գյուղում՝ Մոսկվայի հարավ-արևմուտքում։
Ռուսաստանի պաշտպանության նախարարություն էլ հայտնել է, որ կասեցվել է ուկրաինական անօդաչու թռչող սարքերի հարձակումը Մոսկվայի շրջանի օբյեկտների վրա։ Գերատեսչության տվյալներով՝ եղել են երեք անօդաչու թռչող սարքեր, իսկ թե որ օբյեկտների վրա դրանք պետք է հարձակվեին, չի նշվում։ Ուկրաինական կողմը դեռևս չի մեկնաբանել այս լուրերը։
