15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
Սուզանավը, որն անհետացել էր «Տիտանիկի» մոտ սուզվելիս, դեռևս չի հայտնաբերվել․ շուտով ուղևորների թթվածինը կվերջանա
Քաղաքականություն
20.06.2023 | 22:10
Ամերիկացի զինվորականները շարունակում են զբոսաշրջիկներով «Տիտան» բատիսկաֆի որոնումները, որը պետք է սուզվեր խորտակված «Տիտանիկ» նավի մոտ, սակայն դրա հետ կապը կորել էր։ Մտավախություններ կան, որ շուտով նավի ուղևորների թթվածինը կվերջանա, գրում է Euronews-ը։
Փրկարարներին մինչ օրս չի հաջողվել գտնել «Տիտան»-ը, որը ռադարներից անհետացել է շուրջ երկու օր առաջ՝ սուզվելուց 1 ժամ 45 րոպե հետո։ Նավում 5 մարդ է եղել։
Որոնողական աշխատանքները շարունակվում են, դրանց մասնակցում են երկու ինքնաթիռ և մեկ սուզանավ։
«Որոնումներն ընթանում են Քեյփ Քոդից մոտ 900 մղոն դեպի արևելք՝ մոտ 13,000 մղոն խորության վրա: Սա հեռավոր տարածք է, և այնտեղ որոնողական աշխատանքներ իրականացնելը որոշակի դժվարություններով կարող է ուղեկցվել»,- ասել է ԱՄՆ առափնյա պահպանության կոնտր-ծովակալ Ջոն Մաուգերը:
«Տիտան» բատիսկաֆը պատկանում է OceanGate Expedition ընկերությանը, որն արդեն երրորդ տարին է՝ նմանատիպ էքսկուրսիաներ է կազմակերպում դեպի «Տիտանիկ», որը գտնվում է 3,800 մետր խորության վրա՝ կանադական Նյուֆաունդլենդ կղզուց 600 կմ հեռավորությամբ։ Ութօրյա տուրը մեկ անձի համար արժե 250 հազար դոլար:
«Տիտան» բատիսկաֆի վրա է նաև 58-ամյա բրիտանացի միլիարդատեր Համիշ Հարդինգը։ Նախկինում նա նաև տիեզերք էր թռել Ջեֆ Բեզոսի Blue Origin ընկերության հետ և սուզվել Մարինինյան իջվածքում։
Տաթև Ֆռանգյան
