16.05.2026 | 18:16
ՀՀ ԱԳ փոխնախարարը Քիշնևում անդրադարձել է արտաքին տեղեկատվական միջամտությունների սպառնալիքներին
ՀՀ-ն հիմնավորված պահանջներ է ներկայացնում․ Լուկաշենկոն ՀԱՊԿ ԱԳՆ ղեկավարների հետ հանդիպմանը կոչ է արել չխուսափել խնդիրներից
Քաղաքականություն
20.06.2023 | 13:41
Բելառուսի նախագահ Ալեքսանդր Լուկաշենկոն հունիսի 20-ին ՀԱՊԿ անդամ երկրների արտաքին գործերի նախարարների հետ հանդիպմանը կոչ է արել չխուսափել խնդիրներից, այլ լուծել դրանք՝ որքան էլ դժվար լինի, գրում է BelTA-ն։
Լուկաշենկոն նշել է, որ կազմակերպության համար այժմ շատ դժվար ժամանակ է, որը պահանջում է ուժերի, փորձի և ռեսուրսների առավելագույն մոբիլիզացիա՝ խաղաղությունը պահպանելու համար։ Գնահատելով ՀԱՊԿ-ի գործունեությունը` Ալեքսանդր Լուկաշենկոն նշել է, որ կազմակերպությանը երբեմն իրավացիորեն են քննադատում կոնկրետ խնդիրները լուծելիս թերությունների համար։
«Օրինակ՝ Ղրղզստանը երկար ժամանակ է՝ խնդրում է օգնել կարգավորել Տաջիկստանի հետ հակամարտությունը։ Հիմնավորված պահանջներ է ներկայացնում Հայաստանը։ Եթե մենք չլուծենք այս խնդիրները, ապա ՀԱՊԿ երկրները միշտ կմեղադրեն միմյանց, իրենց դժգոհությունը կհայտնեն կազմակերպության աշխատանքից։ Այդ պատճառով, ինչքան էլ պտտվենք, մենք պետք է խորամուխ լինենք նաև այն խնդիրների մեջ, որոնք այսօր լուծում են ՀԱՊԿ անդամ Հայաստանը, ՀԱՊԿ անդամներ Ղրղզստանն ու Տաջիկստանը»,- ասել է Բելառուսի ղեկավարը։
«Կան խնդիրներ, դրանք պետք է լուծել, ինչքան էլ դրանք դժվար լինեն։ Երբեմն դրանց բարդության պատճառով մենք շրջանցում ենք դրանք, չենք ցանկանում լուծել»,- հավելել է Լուկաշենկոն։
Տաթև Ֆռանգյան
