14.08.2026 | 22:19
Ղարաբաղից տեղահանված և վարելու իրավունքից զրկված քաղաքացիները կարող են առանց քննության վարորդական վկայական ստանալ․ ՆԳ նախարար
Չինաստանը նախատեսում է ռազմական ուսումնական կենտրոն բացել Կուբայում. WSJ
Քաղաքականություն
20.06.2023 | 22:40
Չինաստանը և Կուբան բանակցություններ են վարում Կուբայում համատեղ ռազմական ուսումնական կենտրոն բացելու հարցով։ Վաշինգտոնը մտահոգված է, որ դա կարող է հանգեցնել չինական զորքերի և հետախուզական գործողությունների տեղակայման Ֆլորիդայի ափից ընդամենը հարյուր մղոն հեռավորության վրա։ Այս մասին գրում է The Wall Street Journal-ը (WSJ)՝ վկայակոչելով ԱՄՆ վարչակազմի ներկա և նախկին աշխատակիցներին:
ԱՄՆ հետախուզության տվյալներով՝ Կուբայի հյուսիսային ափին նոր ռազմաբազա բացելու շուրջ բանակցություններն ակտիվ փուլում են, բայց դեռ ավարտված չեն։ ԱՄՆ նախագահ Ջո Բայդենի վարչակազմը կապի մեջ է Կուբայի պաշտոնյաների հետ՝ փորձելով կանխել համաձայնագրի ստորագրումը։
Ընդ որում, Սպիտակ տունը փորձում է խաղալ Կուբայի՝ ինքնիշխանության կորստի հետ կապված ենթադրյալ մտահոգությունների վրա, նշել են WSJ-ի աղբյուրները։
Սպիտակ տանը հրաժարվել են մեկնաբանություններ տալ հարցի հետ կապված։
Տաթև Ֆռանգյան
