15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Էրդողանի կուսակցությունից քաղաքապետի թիկնապահները հարձակվել են թուրք լրագրողի վրա՝ կոռուպցիայի մասին հրապարակումների համար
Քաղաքականություն
19.06.2023 | 17:00
Թուրք լրագրող Սինան Այգյուլը հայտնել է, որ Թաթվանի քաղաքապետ Մեհմեթ Էմին Գեյլանիի թիկնապահները հարձակվել են իր վրա արևելյան Բիթլիս նահանգի քաղաքապետարանի մոտ․ պատճառը կոռուպցիայի մասին հրապարակումներն են, գրում է Duvar-ը։
«Ինձ վրա հարձակվել են Թաթվանի քաղաքապետ Մեհմեդ Էմին Գեյլանիի զինված թիկնապահները։ Նրանք թիկունքից հարվածելուց հետո հայհոյեցին ու սպառնացին ինձ՝ ասելով. «Եթե քաղաքապետի մասին էլի գրես, կմեռնես»։ Ինձ տեղափոխում են Թաթվանի պետական հիվանդանոց»,- գրել էր լրագրողը թվիթերյան իր էջում։
Հարձակումը տեղի է ունեցել այն բանից հետո, երբ Այգյուլը հունիսի 15-ին սոցցանցերի իր էջում գրել էր Թաթվանի քաղաքապետարանի հետ կապված խախտումների և կոռուպցիայի մասին։
Թուրքիայի նախագահ Ռեջեփ Թայիփ Էրդողանի «Արդարություն և զարգացում» կուսակցությունից քաղաքապետ Մեհմեդ Էմին Գեյլանին Թվիթերում հերքել է հարձակման հետ կապը։
«Միջադեպն առաջացել է անհատների միջև տարաձայնության հետևանքով, ինչին մենք հավանություն չենք տալիս: Լավագույն մաղթանքներս եմ հղում Սինան Այգյուլին։ Մենք վարչական հետաքննություն ենք սկսել քաղաքապետարանի անձնակազմի նշված անդամների նկատմամբ»,- ասել է նա։
Ավելի ուշ նա հայտնել է, որ քաղաքապետարանի մեկ աշխատակից ազատվել է աշխատանքից։ Մի շարք լրատվամիջոցներ էլ հայտնում են, որ Բիթլիսի Թաթվան քաղաքում լրագրող Այգյուլի վրա հարձակում գործած երկու անձինք կալանավորվել են։
Էմմա Չոբանյան
