Քաղաքականություն
16.06.2023 | 22:32
Կիևը ցանկանում է մարտադաշտում զգալի ձեռքբերումներ ունենալ ամռանը և աշնանը՝ նախքան դաժան ձմռան գալը, որպեսզի արևմտյան դաշնակիցներին ապացուցի, որ Ուկրաինան ի վիճակի է հաղթել Ռուսաստանին: Այս մասին ասված է The Washington Post-ի հրապարակման մեջ, որին վկայակոչում է DW-ի ռուսական ծառայությունը։
«Ուկրաինան չէր կարող է՛լ ավելի հետաձգել հարձակման սկիզբը»,- գրում են հրապարակման հեղինակները՝ վկայակոչելով ուկրաինացի պաշտոնյաներին։
Կիևին հետագա աջակցության հարցը քննարկման առանցքում կլինի հուլիսին Վիլնյուսում կայանալիք ՆԱՏՕ-ի գագաթնաժողովում։
Նախօրեին էլ Պենտագոնի ղեկավար Լլոյդ Օսթինը հայտարարել է, որ դաշնակիցները կշարունակեն Կիևին ռազմական տեխնիկա մատակարարել և ուսուցանել Ուկրաինայի զինված ուժերին՝ հաղթելու Վլադիմիր Պուտինի հրահրած դաժան պատերազմում։
Ուկրաինայի նախագահ Վլադիմիր Զելենսկին հունիսի 10-ին հայտարարել էր ուկրաինական հակահարձակման մեկնարկի մասին, որին շատերն անհամբեր սպասում էին։
Էմմա Չոբանյան
