13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
ՌԴ-ի հիստերիան անհի՛մն է․ Փաշինյա՛նը ՌԴ զինուժ բերեց ԼՂ՝ անվտանգության հույսով, ռուսնե՛րը տապալվեցին․ այլընտրա՛նք է պետք փնտրել․ Հարություն Մկրտչյան. ՏԵՍԱՆՅՈՒԹ
Քաղաքականություն
16.06.2023 | 20:02
Ադրբեջանական ագրեսիվ միջադեպերը Հայաստանի և Լեռնային Ղարաբաղի դեմ շարունակվում են։ Տարածված տեսանյութերում երևում է, որ Ադրբեջանի զինծառայողները ռուս խաղաղապահների ուղեկցությամբ նախ փորձում են դրոշ բարձրացնել Հակարի կամրջի մոտ, հայկական կողմի գործողությունների արդյունքում փախչում են և՛ ադրբեջանցիները, և՛ ռուսները։ Քիչ անց տարածք է ժամանում ԼՂ-ում ՌԴ խաղաղապահների հրամանատար Լենցովը, որի ներկայությամբ է միայն, որ ադրբեջանցիներին հաջողվում է բարձրացնել դրոշ։
Ադրբեջանը հայտնել է, թե իր տարածքում է տեղադրել, ըստ ՀՀ ԱԱԾ-ի՝ ՀՀ-ի տարածքն էր դա։
Factor TV-ի հարցազրույցում քաղաքագետ Հարություն Մկրտչյանին հարցրինք՝ ինչպե՞ս է բացատրում այս իրավիճակը, հատկապես, երբ Լենցովից ԼՂ-ում ունեին սպասելիքներ, որ գնալու էր Բաքու, բանակցելու էր, որ ադրբեջանցիներն անցակետը հեռացնեն Լաչինի միջանցքից։ Նա չկարողացավ դա անել։
«Ադրբեջանը և ՌԴ-ն պատանդ են վերցրել Արցախը՝ ՀՀ-ից պահանջելով «Զանգեզուրի միջանցք»։ Այո՛, Փաշինյա՛նն է ՌԴ-ի խաղաղապահներին բերել-խցկել ԼՂ՝ հույսով, որ անվտանգություն կապահովեն, սակայն նրանք ձախողել են։ Հիմա ՌԴ-ի հիստերիան անհիմն է, երբ Հայաստանն այլընտրանք է փնտրում։ Համոզված եմ՝ Ադրբեջանը ռուսական դրդմամբ ռազմական արկածախնդրության կգնա, և ՀԱՊԿ-ի զորքերը Հայաստան մտցնելու նպատակով կրքերը կբորբոքեն։ Հայաստանը պետք է պահանջի ՌԴ-ից բացատրություն՝ ո՞նց Ադրբեջանը դրոշ դրեց, ինչո՞ւ հանձնեց Ադրբեջանին ՀՀ-ի ուղեկալը։ Ինչո՞ւ դա տեղի ունեցավ, ես գիտեմ, որովհետև Ռուսաստանը Բաքվի՛ դաշնակիցն է»,- ասաց Հարություն Մկրտչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
