25.11.2024 | 14:35
Մշտադիտարկման նպատակով մասնագետներն այցելել են Կոտայքի և Արարատի մարզի հուշարձաններ
Ադրբեջանի ԱԳՆ-ն արձագանքել է Արցախում Բաքվի կողմից իրականացվող էթնիկ զտումների վերաբերյալ Նիկոլ Փաշինյանի հայտարարությանը
Քաղաքականություն
16.06.2023 | 16:43
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ Կառավարության այսօրվա նիստում հնչեցրած հայտարարություններին, որոնք վերաբերում էին նախօրեին Հակարիի կամրջի ուղղությամբ Ադրբեջանի ԶՈՒ-ի հերթական սադրանքին, ինչպես նաև Արցախում էթնիկ զտման քաղաքականությանը։
«Մենք կտրականապես հերքում ենք Փաշինյանի այն անհեթեթ հայտարարությունները, թե, իբր, Ադրբեջանն է սահմանամերձ հատվածներում սադրանքի նախաձեռնողը»,- ասվում է հայտարարության մեջ։
Բաքուն նաև հերքում է է ՀՀ վարչապետի այն հայտարարությունները, որ Լաչինում ապօրինի անցակետի տեղադրումը հանգեցրել է լարված հումանիտար իրավիճակի, ինչպես նաև Ադրբեջանի կողմից Արցախում էթնիկ զտման։
Ադրբեջանը նաև փորձում է անհիմն կերպով սեփական սադրանքի մեջ մեղադրել Հայաստանին՝ նշելով, թե Երևանի «նպատակն է՝ կանխել սահմանային անցակետի հաջող, անվտանգ, ազատ շահագործումն ու օգտագործումը»։
Բացի այդ՝ Ադրբեջանը Հայաստանից պահանջում է «դադարեցնել սադրանքները, պատասխանատվությամբ և կառուցողականորեն մոտենալ խաղաղ համաձայնագրի շուրջ բանակցություններին»։
Հավելենք, որ համացանցում տարածվել են Բաքվի սադրանքներն ապացուցող տեսանյութեր։ Մասնավորապես, թե ինչպես են Ադրբեջանի սահմանապահները ռուս խաղաղապահների ուղեկցությամբ փորձում Հակարիի կամրջի մոտ ադրբեջանական դրոշ տեղադրել։
Էմմա Չոբանյան
