Ժողովրդավարության տեսակները, հակառակորդների դեմոնացումը և պոպուլիստների հաղթանակն աշխարհում. ապաքաղաքական զրույց Տիգրան Գրիգորյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է քաղաքական վերլուծաբան Տիգրան Գրիգորյանը: Նրա կարծիքով՝ Հայաստանում այժմ hիբրիդային ռեժիմ է, որին հատուկ են թե՛ ժողովրդավարության, թե՛ ավտորիտարիզմի տարրերը: Այդ ժամանակահատվածը կարող է տևել տարիներ և նույնիսկ տասնամյակներ, և անցումը կարող է կատարվել թե՛ առաջին, և թե՛ երկրորդ բևեռի ուղղությամբ:

Ըստ քաղաքագետի՝ գոյություն ունեն ժողովրդավարության բազմաթիվ տեսակներ, որոնցից ամենապարզն և ընկալելին «ընթացակարգային» ժողովրդավարությունն է, երբ իշխանությունը ձևավորվում է քիչ թե շատ ազատ ընտրություններով: Սակայն այդպիսի «ընթացակարգից» հետո էլ հնարավոր է, որ ընտրված իշխանությունը ձևավորում է գործադիր մարմիններ, բայց գործնականում վերահսկում է իշխանության մնացած երկու թևերը, ինչպես նաև ձևականորեն անկախ կառույցները:

Խնդիրներից մեկը Տիգրան Գրիգորյանը տեսնում է քաղաքական համակարգի մեջ, երբ հակադիր ուժերը դեմոնացնում են միմյանց: Օրինակ, երբ նրանք իրար անվանում են «օտար գործակալ», «ինքնիշխանության թշնամի» կամ «դավաճան»: Նման մոտեցումը, հաղորդման հյուրի կարծիքով, թույլ չի տալիս ծավալել նորմալ քաղաքական խոսույթ և, հակառակը, արդարացնում է պայքարի ոչ քաղաքական մեթոդները:

Նման միտումներ նկատվում են ոչ միայն Հայաստանում: Մասնավորապես, 2016 թվականին՝ ԱՄՆ ընտրություններում Թրամփի հաղթանակից և Brexit-ից հետո աշխարհում իշխանության են գալիս պոպուլիստները, ինչի հետևանքով քաղաքական մշակույթում գերիշխող են դառնում ծայրահեղական մոտեցումները: Մարգինալ հոսանքները միտում ունեն «մեյնսթրիմ» դառնալու, ինչը ստվերում է գաղափարախոսական հիմնական ուղղությունները և դրանց կողմից առաջարկվող ընդունված, «նորմալ» լուծումները:

Մանրամասները տեսանյութում:

Արամ Աբրահամյան