27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Նեթանյահուն փորձում է հանդիպել Էրդողանի հետ․ Թուրքիայի նախագահը խոչընդոտներ է ստեղծում
Քաղաքականություն
16.06.2023 | 22:12
Իսրայելի վարչապետ Բենիամին Նեթանյահուն փորձում է հանդիպում կազմակերպել Թուրքիայի նախագահ Ռեջեփ Թայիփ Էրդողանի հետ Անկարայի և Երուսաղեմի միջև հարաբերությունների ջերմացման ֆոնին։ Նշվում է, որ վարչապետի գրասենյակը մեծ ջանքեր է գործադրում նման հանդիպում կազմակերպելու համար, և բանակցություններն առաջ են ընթանում։ Տեղեկությունը հաստատել է իսրայելցի բարձրաստիճան պաշտոնյան, գրում է The Times of Israel-ը։
Դիվանագիտական աղբյուրները, սակայն, նշում են, որ գործընթացում կան դժվարություններ։ Նշվում է, որ Էրդողանը կհանդիպի Նեթանյահուի հետ միայն այն դեպքում, եթե վերջինը հաստատի երկրների միջև գազային համագործակցության մասին լուրերը։
Թուրքիան ցանկանում է գազամուղ կառուցել Իսրայելից Եվրոպա գազ մատակարարելու համար, սակայն որոշ փորձագետների կարծիքով՝ Իսրայելի հետաքրքրությունն Անկարայի հետ էներգետիկ համագործակցության հարցում քիչ է:
12-րդ ալիքը նշում է, որ հանդիպման ջանքերը սկսվել են այն բանից հետո, երբ Նեթանյահուին մերժել են հրավիրել Սպիտակ տուն նախագահ Ջո Բայդենի կողմից դատական վիճահարույց ծրագրերի պատճառով։
Հաղորդվում է, որ Նեթանյահուն ձգտում է դիվանագիտական հաջողության իմիջի, որը կարող է լինել հենց Էրդողանի հետ լուսանկարը։
Էմմա Չոբանյան
