15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ԱՄՆ-Չինաստան լարվածության ֆոնին՝ Իլոն Մասկից հետո Պեկին է մեկնել Բիլ Գեյթսը. նա հանդիպել է Սի Ցզինպինին
Քաղաքականություն
16.06.2023 | 15:10
Microsoft-ի համահիմնադիր Բիլ Գեյթսը հանդիպել է Չինաստանի նախագահ Սի Ցզինպինի հետ՝ մինչ Վաշինգտոնի և Պեկինի միջև լարվածությունը շարունակում է բարձր մնալ, գրում է BBC-ն։
Չինական պետական լրատվականների հաղորդմամբ՝ Սի Ցզինպինը Գեյթսին ասել է, որ նա «առաջին ամերիկացի ընկերն է, ում հետ նա Պեկինում հանդիպել է այս տարի»։
Այս շաբաթավերջին Չինաստան կայցելի նաև ԱՄՆ պետքարտուղար Էնթոնի Բլինքենը։
«Ես հաճախ եմ ասում, որ չին-ամերիկյան հարաբերությունների հիմքը մարդկանց մեջ է, և մենք միշտ նայում ենք ամերիկացի ժողովրդին, և հուսով ենք, որ երկու ժողովուրդները կշարունակեն բարեկամ լինել»,- ասել է Չինաստանի նախագահը։
Սա վերջին տարիներին Չինաստանի նախագահի առաջին հանդիպումն է օտարերկրյա գործարարի հետ: Նա դադարել էր արտասահման մեկնել 2020 թվականին, երբ Չինաստանը փակեց իր սահմանները համաճարակի ժամանակ։ Հայտնի է, որ Սին և Գեյթսը վերջին անգամ հանդիպել են 2015 թվականին:
Այս տարի ավելի վաղ Չինաստան են մեկնել նաև Tesla-ի հիմնադիր Իլոն Մասկը, JP Morgan-ից Ջեյմի Դայմոնը և Apple ընկերության ղեկավար Թիմ Քուքը։ Նրանք հանդիպումներ են անցկացրել չինացի բարձրաստիճան պաշտոնյաների հետ, սակայն ոչ երկրի նախագահի։
Հիշեցնենք, որ մայիսի վերջին Պեկին կատարած այցի ընթացքում Իլոն Մասկը հանդիպել էր մի շարք բարձրաստիճան պաշտոնյաների, այդ թվում՝ Չինաստանի արտաքին գործերի և արդյունաբերության նախարարների հետ։
Էմմա Չոբանյան
