27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Թբիլիսիում Հայաստանի, Վրաստանի և Ադրբեջանի թիմերը մասնակցել են անտառային հրդեհների չեզոքացման վարժանքների
Քաղաքականություն
16.06.2023 | 13:40
Վրաստանում անցկացվել են TbiEX2023 վարժանքները տարբեր երկրների արտակարգ իրավիճակների թիմերի մասնակցությամբ, այդ թվում ՝ Հայաստանի։ Այս մասին թվիթերյան գրառմամբ հայտնում է ԵՄ Քաղաքացիական պաշտպանության և մարդասիրական օգնության հանձնաժողովը։
«Բարի գալուստ TbiEx2023՝ Վրաստանում շարունակվող անտառային հրդեհների արձագանքման վարժանքների: Հայաստանի, Ադրբեջանի, Վրաստանի, Մոլդովայի, Ուկրաինայի Կարմիր խաչի և ԵՄ քաղաքացիական պաշտպանության թիմերը միասին մարզվում են ապագա արտակարգ իրավիճակներին ավելի լավ պատրաստված լինելու համար»,- ասվում է գրառման մեջ։
Վարժանքներին անդրադարձել է նաև Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
«Ուրախալի է տեսնել, որ Հայաստանի, Ադրբեջանի և Վրաստանի արտակարգ իրավիճակների ծառայությունները միասին հաջողությամբ ավարտել են Վրաստանում լայնածավալ բազմակողմ զորավարժությունները՝ չնայած տարածաշրջանում շարունակվող դժվարին իրավիճակին։ Ուժերի միավորումը Հարավային Կովկասում ընդհանուր մարտահրավերներին դիմակայելու համար առաջընթացի ուղին է»,- գրել է Կլաարը Թվիթերում։
Էմմա Չոբանյան
