06.06.2026 | 15:55
ՀՀ ընտրողների ռեգիստրում ընդգրկվածների ընդհանուր թիվը հունիսի 6-ի դրությամբ կազմել է 2 միլիոն 485 հազար 851
Եվրախորհրդարանը Կախովկա ՀԷԿ-ի պայթեցումը ՌԴ-ի կողմից ռազմական հանցագործություն է ճանաչել
Քաղաքականություն
15.06.2023 | 16:05
Եվրախորհրդարանը դատապարտել է Կախովկա հիդրոէլեկտրակայանի պայթեցումը և հարձակումը Ռուսաստանի կողմից ռազմական հանցագործություն է ճանաչել։ Համապատասխան հայտարարությունն արվել է հունիսի 14-ին Ստրասբուրգում կայացած լիագումար նիստի արդյունքներով, գրում է 24tv.ua-ն։
«Պատգամավորները դատապարտել են ուկրաինական Նովա Կախովկայում ամբարտակի ոչնչացումը՝ Ռուսաստանի վերջին ռազմական հանցագործությունը, որը պետք է հետևանքներ ունենա։ Նրանք կոչ են արել ԵՄ-ին շարունակել ուժեղ աջակցությունն Ուկրաինային, նոր պատժամիջոցներ սահմանել Ռուսաստանի դեմ»,- ասվում է հայտարարության մեջ։
Բացի այդ, նշվում է, որ ԵՄ-ն պետք է միլիարդներ փոխանցի ռուս օլիգարխների սառեցված ֆինանսական ակտիվներից Ուկրաինայի վերականգնման համար։
Հիշեցնենք, որ Կախովկա ՀԷԿ-ում, որն արդեն մեկ տարուց ավելի վերահսկում են ռուս զինվորականները, հունիսի 6-ի առավոտյան պայթյունից հետո ջրի անվերահսկելի արտահոսք է տեղի ունենում, ինչի հետևանքով բազմաթիվ բնակավայրեր հեղեղվել են։
Կիևը հայտարարել է, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
Էմմա Չոբանյան
