06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Սպառնալիքներ ստացած կինը մեզ չի դիմել, անձամբ պետք է ահազանգի, որ օգնենք. նախարարության ներկայացուցիչ․ ՏԵՍԱՆՅՈՒԹ
Հասարակություն
15.06.2023 | 13:27
«Համացանցում կինը պատմում է ամուսնու սպառնալիքների մասին․ ինչ միջոցներ են ձեռնարկվում նրա ու երեխաների անվտանգության ապահովման համար» թեմայով քննարկման ժամանակ ՀՀ աշխատանքի և սոցիալական հարցերի նախարարության Մարդկանց թրաֆիքինգի և կանանց հիմնահարցերի բաժնի պետ Սոֆի Բոստանչյանը, անդրադառնալով հարցին, թե ինչ պետք է անի կինը՝ սպառնալիքներից խուսափելու համար, նշեց, որ նախևառաջ կինը պետք է ահազանգի, դիմի Ոստիկանություն, որպեսզի ապահովվի իր պաշտպանությունը։
Նշենք, որ Լիանա Մարգարյանը, որի հորը սպանել է ամուսինը, վերջերս տեսանյութ է տարածել, որով, ըստ էության, հանցագործության մասին հաղորդում է տալիս։ Մարգարյանը տեսանյութը տարածել է այն բանից հետո, երբ նրա և իր երեխաների լուսանկարները տարածվեցին «Որոնվում է» վերտառությամբ։
Բոստանչյանի խոսքով՝ այս դեպքի հետ կապված՝ նախկինում ահազանգ եղել է ոստիկանություն, ոստիկանության ներկայացուցիչները, օրենքի շրջանակներում համապատասխան որոշումներ են կայացրել՝ նախազգուշացում, անհետաձգելի միջամտություն և այլն։ Բայց կան դեպքեր, երբ նույնիսկ դա բռնարարին չի սահմանափակել։
«Սպառնալիքներ ստացած կինը մեզ չի դիմել, անձամբ պետք է ահազանգի, որ օգնենք»,- նշեց նախարարության ներկայացուցիչը։
Մանրամասները՝ տեսանյութում։
