Բռնություն գործադրած ծնողին տալիս են երեխայի մշտական խնամքը, սա խնդիր է. իրավապաշտպան․ ՏԵՍԱՆՅՈՒԹ

«Նախ անհրաժեշտ է կանխարգելել բռնությունը․ կարևոր է իրազեկված լինելը, որպեսզի հանրությունն իմանա՝ ինչ անել, որպեսզի ընտանեկան բռնության դեպքեր չլինեն։ Երկրորդը՝ պաշտպանությունն է՝ դա իրավապահ համակարգի գործառույթն է․ ոստիկաններն իրավունք ունեն մտնել բնակարան և կատարել գործողություններ՝ պաշտպանություն տրամադրելով ընտանեկան բռնության ենթարկված անձին։ Երրորդը՝ աջակցությունն է՝ անմիջական աջակցության տրամադրումը տուժողին՝ բռնության ենթարկված անձին»,- «Համացանցում կինը պատմում է ամուսնու սպառնալիքների մասին․ ինչ միջոցներ են ձեռնարկվում նրա ու երեխաների անվտանգության ապահովման համար» թեմայով քննարկման ժամանակ այս մասին նշեց Կանանց աջակցման կենտրոնի ներկայացուցիչ, իրավապաշտպան Զարուհի Հովհաննիսյանը։

Իրավապաշտպանի խոսքով՝ նման դեպքերում պետք է ոստիկանություն ահազանգ հնչեցվի, եթե ոչ կնոջ կողմից, ապա գոնե հարևանների կամ հարազատների կողմից։

Նշենք, որ Լիանա Մարգարյանը, որի հորը սպանել է ամուսինը, վերջերս տեսանյութ է տարածել, որով, ըստ էության, հանցագործության մասին հաղորդում է տալիս։ Մարգարյանը տեսանյութը տարածել է այն բանից հետո, երբ նրա և իր երեխաների լուսանկարները տարածվեցին «Որոնվում է» վերտառությամբ։ Կինը նշել է, որ ինքը թաքնվել է և հորդորել է իրենց լուսանկարները չտարածել։

«Երեխաների լավագույն շահը հաշվի չի առնվել․․․ Երեխաների պաշտպանության առումով ունենք բաց, պետությունը պետք է հոգատար լինի այս կնոջ և երեխաների նկատմամբ»,- նշեց Հովհաննիսյանը։

Մանրամասները՝ տեսանյութում։