Եթե խոսում եք խաղաղության մասին, ինչպե՞ս կարող է հարևան պետությունն անընդհատ կրակ բացել. Սեյրան Օհանյան․ ՏԵՍԱՆՅՈՒԹ

Խաղաղությունը հիմնարար արժեք է, սակայն ոչ անվտանգության երաշխիք։ Անվտանգության երաշխիք են Զինված ուժերը, բանակը, համախմբվածությունը, խեալցի արտաքին քաղաքականությունը և բանակցությունը, իսկ պարբերաբար քեզ կրակող պետության հետ խաղաղության մասին խոսք լինել չի կարող։ Այս մասին այսօր ԱԺ-ում լրագրողների հետ զրույցում ընդգծեց «Հայաստան» խմբակցության ղեկավար Սեյրան Օհանյանը։

«Գոյություն ունի հայկական հարց․ Հայաստանի և Արցախի անվտանգությունը մենք պետք է նույն կոնտեքստում տեսնենք։ Թուրք-ադրբեջանական տանդեմի համար շատ կարևոր է ճանապարհ, ավելի լայն ասած միջանցք ստանալը։ Քանի դեռ ադրբեջանցիները մեր սահամաններում են, որևէ ճանապարհի և սահմանագծման աշխատանք չպետք է տարվի։ Իրենք պետք է դուրս գան և կատարեն իրենց պարտավորությունները։
Հակառակ պարագայում՝ Սյունիքի հատվածում տնտեսական լուրջ հարված է լինելու, երկրորդ՝ փորձելու են ժողովրդագրական պատկեր են փոխելու, գալու են, լցվեն այնտեղ, դրանից հետո շատ դժվար է լինելու հետ շպրտելը»,- նշեց  Օհանյանը։

Նրա կարծիքով՝ սրանից խուսափելու միակ տարբերակաը հզորացումն է։ «Այս իշխանության օրոք դա չի կարող լինել, որովհետև նրանք հարմարվում են կեղծ խաղաղության օրակարգին։

Եթե խոսում եք խաղաղության մասին, ինչպե՞ս կարող է հարևան պետությունն անընդհատ կրակել, անընդհատ սադրանքներ կազմակերպել, անընդհատ փորձել առաջ գալ, փոխանակ կատարելու իր միջազգային հայտարարություններով ձևավորված իր պայմանավորվածությունները»,- ընդգծեց Օհանյանը։

Մանրամասները՝ տեսանյութում։