15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Նախարարն ասում է՝ իրավունք չունեի պարգևավճար տալու, բայց այդ մարդը արժանի էր․ նորմա՞լ է․ Խաչատրյան․ ՏԵՍԱՆՅՈՒԹ
Քաղաքականություն
15.06.2023 | 12:54
Հաշվեքննության արդյունքներով հաշվեքննիչ պալատը հանգել է դրական կարծիքի: Այդ մասին Ազգային ժողովի՝ հունիսի 15-ի նիստին այս Հաշվեքննիչ պալատի նախագահ Ատոմ Ջանջուղազյանը 2022 թվականի պետբյուջեի կատարման տարեկան հաշվետվության ֆինանսական ցուցանիշների արժանահավատության վերաբերյալ կարծիքը ներկայացնելիս:
«Հաշվեքննության արդյունքներով հաշվեքննիչ պալատը հանգել է դրական կարծիքի, որովհետև ստացել է բավարար համապատասխան տեղեկատվություն հաշվեքննության ենթարկված մարմիններից, և ֆինանսական հաշվետվությունները բոլոր էական առումներով զերծ են էական խեղաթյուրումներից։
Հաշվեքննիչ պալատը փաստում է, որ 2022 թվականի պետական բյուջեի կատարման հաշվետվությունը բոլոր էական առումներով ճշմարիտ է ներկայացնում 2022 թվականի բյուջետային գործառնությունների արդյունքները»,- ասաց Ջանջուղազյանը։
«Հաշվեքննիչ պալատի առաքելությունն է նպաստել հանրային ֆինանսների կառավարմանը, մենք տեսնում ենք, որ այդ կառավարումը որոշ դեպքերում, մեղմ ասած, լավ չի իրականացվում, կարծում եմ՝ հետհսկողությունը լավ չի իրականացվում»,- դիմելով Ջանջուղազյանին՝ նշեց «Հայաստան» խմբակցության պատգամավոր Արթուր Խաչատրյանը։
Այնուհետև դիմելով ՀՀ վարչապետ Նիկոլ Փաշինյանին, ով ներկա էր ԱԺ նիստին, Խաչատրյանը հարցրեց․ «Պարո՛ն Փաշինյան, նորմա՞լ էք համարում, որ Ձեր կաբինետի նախարարներից մեկն ասում է՝ իրավունք չունեի պարգևավճար տալու, բայց այդ մարդը արժանի էր։ Ձեր ֆրակցիայից բազմաթիվ պատգամավորներ կային, կարող եք հարցնել»։
Մանրամասները՝ տեսանյութում։
