07.10.2026 | 23:48
Արթուր Դանիելյանը կալանավորվեց
Ավստրալիան արգելել է ՌԴ դեսպանատան կառուցումը երկրի խորհրդարանի մոտ
Քաղաքականություն
15.06.2023 | 15:51
Ավստրալիան դադարեցրել է Ռուսաստանի նոր դեսպանատան շինարարությունը Կանբերայում՝ խորհրդարանի շենքի անմիջական հարևանությամբ, գրում է DW-ի ռուսական ծառայությունը։
Օրենքն ընդունվել է խորհրդարանի երկու պալատների կողմից, վարչապետ Էնթոնի Ալբանիզը հրապարակայնորեն հայտարարել է այդ մասին։
Ալբանիզն այս քայլի պատճառ է անվանել ազգային անվտանգության ռիսկերը։ Նրա խոսքով՝ նոր օրենքը չեղարկում է Ռուսաստանի կողմից հողատարածքի վարձակալությունն անվտանգության մարմինների առաջարկությունների հիման վրա։
«Մենք գործում ենք արագ՝ երաշխավորելու, որ վարձակալած օբյեկտը չի դառնա պաշտոնական դիվանագիտական ներկայացուցչություն»,- ասել է վարչապետը լրագրողներին։
Նա ընդգծել է, որ խոսքն այն մասին չէ, որ կանխվի ռուսական դիվանագիտական ներկայացուցչության մուտքը Ավստրալիա, այլ դեսպանատան շենքը չպետք է գտնվի խորհրդարանի անմիջական հարևանությամբ։
Ալբանիզն ուղղակի չի պատասխանել հարցին՝ կա՞ն, արդյոք, մտահոգություններ անվտանգության ռիսկերի հետ կապված՝ Չինաստանի դեսպանատան առնչությամբ, որը գտնվում է ռուսական օբյեկտից այն կողմ։
Վարչապետը, միաժամանակ, նշել է, որ իր կառավարությունը դատապարտում է «Ուկրաինա ՌԴ-ի անօրինական ու անբարոյական ներխուժումը»։
Էմմա Չոբանյան
