24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՀՀ-ում հավատարմագրված դիվանագետները Երասխում են. ԼՈՒՍԱՆԿԱՐՆԵՐ
Քաղաքականություն
15.06.2023 | 12:10
Հայաստանի Հանրապետությունում հավատարմագրված դիվանագետներն այսօր այցելել են Երասխ։ Նրանք ծանոթացել են ադրբեջանական ագրեսիայի հետևանքներին։
Երեկ Երասխում են եղել նաև ԵՄ դիտորդական առաքելության ներկայացուցիչները։
Հիշեցնենք, որ ադրբեջանական կողմը երկու օր շարունակ կրակ է բացում Երասխի ուղղությամբ։ ՀՀ ՊՆ-ի փոխանցմամբ՝ Ադրբեջանի զինված ուժերը հունիսի 14-ին ժամը 11:45-ի սահմաններում էլ կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի քաղաքացիներ Մուհամադ Ասիֆը և Միրհասան Սահաջանը։ Երասխի ուղղությամբ Ադրբեջանի զինված ուժերը կրակ էին բացել նաև նախորդ օրը՝ վնասելով նաև քաղաքացիական ավտոմեքենա։
Երեկ ԱՄՆ Պետքարտուղարության խոսնակ Մեթյու Միլլերը ևս անդրադարձել էր Երասխում կառուցվող մետալուրգիական գործարանի ուղղությամբ Ադրբեջանի կրակոցներին։ «Խորապես մտահոգված ենք, որ Հայաստանում ԱՄՆ-ին առընթեր երկու քաղաքացիական աշխատակիցներ վիրավորվել են Ադրբեջանի կողմից արձակված կրակոցների հետևանքով: Մենք կրկնում ենք սահմանների երկայնքով զսպվածության մեր կոչը, քանի որ կողմերն աշխատում են կայուն և հավասարակշռված խաղաղություն հաստատելու ուղղությամբ»,- Twitter-ի իր էջում գրել էր Միլլերը։
