15.12.2025 | 19:50
89 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար
Լարվածության նոր ալիք Կոսովոյի և Սերբիայի միջև
Քաղաքականություն
15.06.2023 | 14:09
Սերբական զորքերի կողմից Կոսովոյի երեք ոստիկանների ձերբակալությունը մեծացրել է լարվածությունը տարածաշրջանում: Բելգրադն ու Պրիշտինան նշում են ոստիկանների կալանավորման տարբեր վայրերի մասին և խոսում ուրիշի տարածք ապօրինի անցնելու մասին, գրում է Euronews-ը։
Սերբական իշխանությունները պնդում են, որ ոստիկանները ձերբակալվել են ավելի քան մեկ կիլոմետր հեռավորության վրա սերբական տարածքում՝ Գնիլիցա գյուղի մոտ և մեղադրում են Պրիշտինային «հակամարտություն հրահրելու մեջ»։
Կոսովոյի վարչապետ Ալբին Կուրտին հայտնել է, որ երեք ոստիկանները կատարել են իրենց պարտավորությունները և նրանց առևանգել են կոսովական տարածքից՝ Սերբիայի հետ սահմանին։ Կուրտին կատարվածն անվանել է միջազգային ագրեսիա և կոչ է արել անհապաղ ազատ արձակել նրանց։
Ի պատասխան՝ Պրիշտինան արգելել է սերբական համարանիշերով ավտոմեքենաներին հատել իր սահմանը։ Բացի այդ, Կոսովկա-Միտրովիցա քաղաքում բողոքի ցույցեր են անցկացվել սերբի ձերբակալության դեմ, որը, Կոսովոյի իշխանությունների կարծիքով, կանգնած է անցյալ ամսվա անկարգությունների ժամանակ ՆԱՏՕ-ի խաղաղապահների վրա հարձակումների հետևում:
Հավելենք, որ Կոսովոյում իրավիճակը սրվել է այն բանից հետո, երբ էթնիկ սերբերը բոյկոտել են տեղական ընտրությունները, որոնց արդյունքում քաղաքապետեր են ընտրվել ալբանական փոքրամասնության ներկայացուցիչները։
Էմմա Չոբանյան
