15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Փաշինյանը՝ «քաղաքական մահապարտների» մասին․ «Իրավապահները պետք է արձագանքեն»․ ՏԵՍԱՆՅՈՒԹ
Քաղաքականություն
14.06.2023 | 17:52
Այդ հարցն ինձ ուղղված չէ, այդ հարցով ավելի շատ պետք է զբաղվի Գլխավոր դատախազությունը, որն իրավասու մարմինն է։ ԱԺ-կառավարություն հարցուպատասխանի ասաց ՀՀ վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Աղվան Վարդանյանի հայտարարությանը, թե Փաշինյանի պաշտոնավարումը դադրեցնելու համար անհրաժեշտ է 100 տղամարդ։ Վարդանյանը նրանց անվանում է քաղքական մահապարտներ․ «Որոնք կկանգնեն մինչև վերջ ու պատրաստ կլինեն մեռնել, որպեսզի երկիրն ազատեն այս չարիքից։ Այդ մարդիկ պետք է ռազմական ռեժիմով գործողությունների պլանը ձևակերպեն և գնան մինչև վերջ»։
«Ինչ վերաբերում է մահապարտներին, պետք է հույս հայտնել, որ այդ մահապարտների ցուցակում 44-օրյա պատերազմի դասալիքների հատուկ ստորաբաժանում կլինի՝ այդ խնդիրը լուծելու համար։
Կարծում եմ՝ ադապտացիայի «ճիշտ» մեթոդ են գտել։ Ենթադրում եմ, որ այդ ուղղությամբ էլ աշխատանքներ կան։
Երկրում տեղի է ունենում հետևյալը՝ մեր քաղաքական ուղեգիծը հետևյալն է՝ օրենքի գերակայություն և օրենքի դիկտատուրա։ Դա մեր նախընտրական թեզն է, և ես ուզում եմ ասել, որ բոլոր նրանք, ովքեր օրենքի գիծը կհատեն, ուրեմն օրենքով նախատեսված ուղիներով կգտնեն իրենց տեղը այս կյանքում», – նշեց Փաշինյանը։
«Եթե ըտենց մահապարտների ջոկատներ կազմողներ էին, իրենք են ընդունել այն սկզբունքները, որոնցով Լեռնային Ղարաբաղը ճանաչել են Ադրբեջանի մաս։ Դրսում ճանաչել են, ներսում եկել են մահապարտի ջոկատներ են կազմել։ Իսկ այդ մահապարտ ջոկատները ձեր նշած մարդու նման նախարարական կաբինետներում նստած՝ զբաղված են եղել բոլորովին այլ խնդիրների լուծմամբ։ Ես կառաջարկեի այդ հարցով քաղաքական մեկնաբանություններ շատ չանել, այդ հարցին պետք է արձագանքեն իրավապահները՝ ՀՀ օրենսդրությամբ սահմանված կարգով»,- հավելեց վարչապետը։
Մանրամասները՝ տեսանյութում։
