11.01.2026 | 11:59
Զինվորականները Թրամփին են ներկայացրել Իրանի դեմ հարվածների տարբերակներ․ The New York Times
Ռուսաստանը հիմա էլ մեզ կօգնի Ադրբեջանի և Թուրքիայի դեմ պատերազմում․ խաղա իր շահերի մեջ՝ քեզ օգնի․ Թևան Պողոսյան. ՏԵՍԱՆՅՈՒԹ
Քաղաքականություն
14.06.2023 | 18:32
«Արցախում անորոշություն է այսօր՝ կան դեպրեսիոն երևույթներ․ ցավոք՝ այդ տրամադրությունը Երևանում է ձևավորվել»,- Factor TV-ին տված հարցազրույցում ասում է Մարդկային զարգացման միջազգային կենտրոնի նախագահ Թևան Պողոսյանը, որը ծնունդով Արցախից է, և այսօր փաստացի չի կարող վերադառնալ հայրենի տուն՝ Ստեփանակերտ։
Վերջին անգամ Արցախում եղել է ամիսներ առաջ, երբ դեռ նոր էր փակվում միջանցքը։ Այսօր Արցախ գնալ հնարավոր է՝ ադրբեջանական անցակետով անցնելու պարագայում։ Քաղաքացիների տեղաշարժ պարբերաբար իրականացվում է ՌԴ խաղաղապահների ուղեկցությամբ։ Թևան Պողոսյանին հարց ուղղեցինք՝ հանուն իր պապենական տուն հասնելու՝ կանցնի՞ անցակետով։
«Եթե ադրբեջանական անցակետով ուզենամ անցնել, ես Բաքվում կհայտնվեմ, ոչ թե Ստեփանակերտում։ Նրանց սև ցուցակում եմ հայտնվել»,- ասաց նա։
Արցախը չորս կողմից շրջափակված է Ադրբեջանով։ Հատկապես անցակետ դնելուց և Էրդողանի վերընտրությունից հետո ավելի կոշտացավ Ալիևի հռետորաբանությունը։ Վերջին օրերին էլ Ադրբեջանը մեծացրել է ռազմական հարձակումների պարբերականությունը։
ՀՀ ԱԳՆ-ն հայտարարել է, որ Ադրբեջանն ուժի կիրառումից առաջ ապահովում է «տեղեկատվական նախապատրաստում», և որ Ադրբեջանի ռազմաքաղաքական ղեկավարությունը հող է նախապատրաստում Լեռնային Ղարաբաղում հերթական ագրեսիվ գործողությունների և էթնիկ զտումների իրականացման համար:
Թևան Պողոսյանը քննադատեց Նիկոլ Փաշինյանի կառավարության մարտավարությունը՝ քննարկել իրավունքների և անվտանգության հարցեր՝ միջազգային մեխանիզմով, այդ ձևաչափը համարելով ոչ արդյունավետ։
«Արևմուտքը շտապում է ՌԴ-ին հեռացնել ռեգիոնից, որ ինքը վերահսկի ուղիները։ Այսօր ՀՀ-ն ինչո՞ւ ԼՂ-ի կարգավիճակից չի խոսում։ Ռուսաստանը հիմա էլ մեզ կօգնի Ադրբեջանի և Թուրքիայի դեմ պատերազմում․ պետք է խաղալ իր շահերի մեջ, քեզ օգնի»,- ասաց Թևան Պողոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
