15.01.2025 | 10:17
Արտարժույթների փոխարժեքները՝ հունվարի 15-ի դրությամբ
ԱՄՆ դեսպանատունը մեղմել է Հայաստանում ճամփորդական սահմանափակումները 2022թ-ի սեպտեմբերի համեմատ
Քաղաքականություն
14.06.2023 | 11:55
ՀՀ-ում ԱՄՆ դեսպանատունը թարմացրել է ամառային սեզոնի համար իր քաղաքացիների՝ Հայաստանում ճամփորդելու սահմանափակումների վերաբերյալ տեղեկությունները։ Դեսպանատան հաղորդագրության մեջ ասվում է, որ «Հայաստանում ամառային ճամփորդությունների սեզոնի մեկնարկով պայմանավորված Երևանում ԱՄՆ դեսպանատունը հիշեցնում է ԱՄՆ քաղաքացիներին, որ Հայաստանի և Ադրբեջանի միջև շարունակվող հակամարտության պատճառով ԱՄՆ դեսպանատան աշխատակիցներին և նրանց ընտանիքներին արգելվում է ոչ էական ճամփորդություններ իրականացնել վայրեր, որոնց հետ կապված 2022 թվականի սեպտեմբերին սահմանված սահմանափակումներից որոշակի մեղմացում կա»։
Նշված վայրերն են՝
- Տավուշի մարզի Վարագավանից արևելք՝ H37 ավտոճանապարհը,
- Տավուշի մարզ Նավուրից արևելք՝ H36 ավտոճանապարհը.
- Գեղարքունիքի մարզ Վարդենիսից արևելք.
- Արարատի մարզի Երասխ գյուղով երթևեկությունը թույլատրվում է, կանգառը՝ ոչ.
- Ջերմուկ, Վայոց ձորի մարզ Գետիկի H42 և H43 ճանապարհներով․
- Սյունիքի մարզ.
- Լեռնային Ղարաբաղ։
Նշվում է, որ ԱՄՆ քաղաքացիները պետք է շարունակեն զգույշ լինել Հայաստանի և Ադրբեջանի միջև բոլոր միջազգային սահմանների մոտ և խուսափեն Լեռնային Ղարաբաղի հակամարտության գոտու և շփման գծի մերձակայքում ճանապարհորդություններից։ ԱՄՆ կառավարությունը չի կարող ապահովել հրատապ օգնություն ԱՄՆ քաղաքացիներին Լեռնային Ղարաբաղում ու դրա շուրջ մուտքի սահմանափակման պատճառով։
