14.08.2026 | 19:40
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք
ՀՀ-ն դիմեց ՌԴ-ին, սակայն օգնություն չստացավ․ ՌԴ ներխուժումն Ուկրաինա զգալի ազդեցություն է թողել Հարավային Կովկասում աշխարհաքաղաքական բալանսի վրա․ Բորել
Քաղաքականություն
13.06.2023 | 20:19
Եվրախորհրդարանում Հայաստանի և Ադրբեջանի հարաբերությունների, Լեռնային Ղարաբաղում և Լաչինի միջանցքում տիրող իրավիճակի քննարկման ժամանակ ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելը հայտարարել է, որ տարածաշրջանում ռազմաքաղաքական իրավիճակը բարդ է դարերով, և հիմա ավելի է բարդացել Ուկրաինայում ՌԴ-ի պատերազմի պատճառով։
Նա նաև նշել է, որ ԵՄ-ն այստեղ թաքնված շահ կամ հետաքրքրություն չունի։
«Մենք մոտիվացված ենք տարածաշրջանում խաղաղության հաստատմամբ, սակայն Ռուսաստանի գործողությունները, ներխուժումն Ուկրաինա իրենց ազդեցությունն են թողել տարածաշրջանային, գլոբալ գործընթացների, հատկապես՝ Հարավային Կովկասի վրա։ Այն նշանակալի ազդեցություն է թողել Հարավային Կովկասում աշխարհաքաղաքական բալանսի վրա։ Հայաստանը ՀԱՊԿ անդամ է, ռազմական օգնություն է խնդրել անցյալ տարվա սեպտեմբերին Ադրբեջանի հետ ռազմական էսկալացիայի ժամանակ, սակայն Հայաստանը ոչ մի օգնություն չի ստացել ո՛չ ՀԱՊԿ-ից, ո՛չ ՌԴ-ից»,- ասել է Բորելը։
ԵՄ արտաքին քաղաքականության ղեկավարը նաև հավելել է, որ «ՌԴ խաղաղապահները նաև Ղարաբաղում են տեղակայված նոյեմբերի 9-ի հայտարարությամբ, և դա Ռուսաստանի դերի էական ասպեկտն է այս հակամարտությունում»։
Էմմա Չոբանյան
