08.03.2026 | 14:15
Իմ տղայի ծաղիկն եմ ուզում, իմ բալային եմ ուզում. անհետ կորածների մայրերի ակցիան` Մարտի 8-ին. ՏԵՍԱՆՅՈւԹ
«Սասնա ծռեր»-ի 4 անդամների ծեծի ահազանգով ՀՔԾ-ում քրգործ է հարուցվել
Հասարակություն
05.07.2017 | 14:29
Հատուկ քննչական ծառայությունում (ՀՔԾ) հուլիսի 3-ին Քրեական օրենսգրքի 309-րդ հոդվածի 2-րդ կետի հատկանիշներով քրեական գործ է հարուցվել հունիսի 28-ին Երևանի Ավան և Նոր-Նորք վարչական շրջանների ընդհանուր իրավասության դատարանում ոստիկանության ՊՊԾ գնդի զինված զավթման մեջ մեղադրվող կալանավորված անձանց և ոստիկանության աշխատակիցների միջև տեղի ունեցած միջադեպի առիթով:
«Նկատի ունենալով, որ միջադեպից հետո քրեակատարողական հիմնարկներ տեղափոխված կալանավորների մարմնի զննությամբ հայտնաբերվել են մարմնական վնասվածքներ, որոնք, ըստ վերջիններիս հայտարարության, պատճառվել են ոստիկանների կողմից, դեպքի առթիվ ավելի վաղ նախապատրաստված նյութերով Հատուկ քննչական ծառայությունում նշանակվել են դատաբժշկական փորձաքննություններ: Իրականացվում են համապատասխան քննչական ու դատավարական գործողություններ` միջադեպի իրական հանգամանքները պարզելու ուղղությամբ», – ասված է ՀՔԾ-ի հաղորդագրությունում:
